يران اقش-تىڭ ۇشقىشسىز ۇشۋ قۇرىلعىلارى اۋە قورعانىس كەڭىستىگىن بۇزدى دەپ ايىپتادى. مەملەكەتتىك تەلە ارناسى حابارلاعانداي، يران اسكەري-اۋە كۇشتەرى اقش-قا تيەسىلى ەكى دوندى سيستان-بەلۋجيستان جاعالاۋىنا جاقىن كەڭىستىكتە ۇستاپ، ەسكەرتۋ جاساعان.
ير اۋە كۇشتەرى ومان تەڭىزىندەگى كەڭىستىگىندە «زۇلفيكار-1400» اسكەري جاتتىعۋىن وتكىزىپ جاتىر. رەسمي تەھران جاتتىعۋ كەزىندە اقش اسكەري-اۋە كۇشتەرىنە تيەسىلى RQ4 جانە MQ9 ۇشقىشسىز ۇشۋ قۇرىلعىلارىنىڭ يرانعا تيەسىلى اۋە قورعانىس كەڭىستىگىنە كىردى دەپ ايىپتادى.
اقش تارابى قازىرگە اتالعان ماسەلەگە بايلانىستى رەسمي مالىمدەمە جاساعان جوق. يران اۋە كۇشتەرى اقش دروندارىن ۇستاپ ەسكەرتۋ جاساعانىن مالىمدەدى.
يران وزىنە سالىنعان قاتاڭ ەكونوميكالىق سانكتسيالاردى الىپ تاستاۋ ءۇشىن بۇزىلعان يادرولىق كەلىسىمدى قالپىنا كەلتىرۋ بويىنشا كەلىسسوزگە قايتا ورالۋ الدىندا. ساراپشىلاردىڭ پىكىرىنشە، قازىرگى اقش پەن يران قاتىناسى كەلىسىمنىڭ تاعدىرىنا تىكەلەي اسەر ەتەدى. سوندىقتان تەھران پارسى شىعاناعى مەن ومان تەڭىزىندەگى اقش-تىڭ اسكەري تەحنيكالارىنىڭ قوزعالىسىن ءجىتى باقىلاپ وتىر. بۇدان بۇرىن تەھران اقش اسكەري كەمەلەرى پارسى شىعاناعىنداعى مۇناي تانكەرىن ۇستاماق بولدى دەپ ايىپتاعان بولاتىن.
يراننىڭ رۋحاني كوسەمى: سوڭعى نارازىلىقتار كەزىندە مىڭداعان ادام قازا تاپتى
يرانداعى قانتوگىس پەن سىرتقى قىسىم: ترامپتىڭ ەكىۇشتى سيگنالى
وقپەن باسىلعان قاڭتار: يراندا بيلىك حالىقتى قارۋمەن باسىپ جاتىر
اقش «تاساداعى فلوتقا» توسقاۋىل قويدى: Olina تانكەرى جانە تەڭىزدەگى جاڭا سانكتسيالىق سوعىس
ۆەنەسۋەلاداعى اسكەري وپەراتسيا: ترامپتىڭ مالىمدەمەسى جانە ايماقتىق تۇراقسىزدىق تاۋەكەلى
ۋكراينا سوعىس جاعدايىنداعى باسقارۋ مودەلىن قايتا قالىپتاستىرۋدا: بۋدانوۆ پرەزيدەنت كەڭسەسىنە كەلدى