AQŞ prezidenti Donal'd Tramp jäne NATO-nıñ Bas hatşısı Yens Stoltenberg. Foto: https://storage.myseldon.com

Soltüstik al'yanstıñ bas hatşısı Yens Stoltenberg 6 qañtar küni wyım keñesiniñ şwğıl otırısın ötkizedi. Kün tärtibindegi bastı mäsele Tayau Şığıstağı jağdaydıñ uşığuı bolmaq.

Jiınğa qatısuşılar Iran generalı Suleymanidiñ öliminen keyingi Irak jerindegi qazirgi jağdaydı talqığa salmaq. AQŞ pen Iran qayşılığına älem elderi alañdauşılıq bildirip otır. Osı aptada Germaniya men Wlıbritaniya Iran ökilderimen kezdesu ötkizetinin habarladı.

31 jeltoqsanda AQŞ-tıñ Bağdattağı elşiligi aldında narazılıq şarası bolıp, şeruşilerdiñ aldı elşilik ğimaratına şabuıldağan. Amerika bwl narazılıqtıñ artında Iran twr dep esepteydi. Narazılıq AQŞ küşteriniñ Iraktağı jäne Süriyadağı şabuılında şiit mwsılmandarı qaza tapqanı turalı mälimet tarağan soñ twtanğan edi.

3 qañtarda Irakta AQŞ irandıq äskerbasınıñ közin joyıp, oqiğa jauapkerşiligin moynına alğannan keyin Uaşington men Tehran arasındağı soğıs ıqtimaldığı turalı aytıla bastadı.

"The Qazaq Times"