قر بعم «ۇلتتىق تەستىلەۋ ورتالىعى» رمقك ديرەكتورىنىڭ بۇرىنعى ورىنباسارى سىبايلاس جەمقورلىق قىلمىسىن جاساعانى ءۇشىن سوتتالدى.

سىبايلاس جەمقورلىققا قارسى قىزمەتتىڭ ءباسپاسوز قىزمەتى حابارلاۋىنشا، «ۇلتتىق تەستىلەۋ ورتالىعى» رمقك ديرەكتورىنىڭ بۇرىنعى ورىنباسارى د.س.جاقسىبەكوۆكە قاتىستى سىبايلاس جەمقورلىق قىلمىس جاسادى دەگەن كۇدىكپەن سوتقا دەيىنگى تەرگەۋ جۇرگىزىلگەن. «جاقسىبەكوۆ «ProBusineSS.kz» جشس ديرەكتورى س.ا. پانكەەۆتەن قۇنى 8,8 ملن تەڭگە بولاتىن «Toyota camry» ماركالى اۆتوكولىگىن پارا رەتىندە الدى دەپ كۇدىكتەنگەن، ايماقتاردا اتالعان جشس-ءنىڭ ۇبت وتكىزۋ كەزىندە قىزمەت كورسەتۋ بويىنشا مۇددەسىن قورعاعانى ءۇشىن.

9 جەلتوقساندا نۇرسۇلتان قالاسىنىڭ بايقوڭىر اۋداندىق №2 سوتىنىڭ ۇكىمىمەن جاقسىبەكوۆ پارا الدى دەپ تانىلىپ، وعان 7 جىلعا باس بوستاندىعىنان ايىرۋ جازاسى تاعايىندالدى»، — دەلىنگەن حابارلامادا. اتالعان ادام مەملەكەتتىك قىزمەتتە قىزمەت اتقارۋ قۇقىعىنان ءومىر بويىنا ايىرىلدى.

"The Qazaq Times"