اقش پرەزيدەنتى دونالد ترامپ «تاليبان» راديكالدى قوزعالىسى ۋاشينگتونمەن بەيبىت كەلىسىم جاساعىسى كەلەتىنىن ايتتى.

اق ءۇي اكىمشىلىگى تاليبانمەن كەلىسسوزدەردى قايتا باستاعان. ترامپتىڭ ايتۋىنشا، امەريكا قۇراما شتاتتارى اۋعانستان اۋماعىنداعى اسكەر سانىن 8600 اسكەرگە دەيىن ازايتپاق.

«ءبىز كەلىسىمگە كەلگەمەيىنشە، تولىق جەڭىسكە جەتپەيىنشە توقتامايمىز. ءبىز تاليبان وكىلدەرىمەن كەزدەستىك. بۇرىن ولار اتىستى توقتاتۋدى قالاعان جوق، بىراق قازىر كەرىسىنشە. سوڭعى التى ايدا ايتارلىقتاي جەتىستىكتەرگە جەتتىك جانە سول ارالىقتا ءبىز ءوز اسكەرلەرىمىزدى شىعارىپ جاتىرمىز»، — دەدى.

2017 جىلى اقش تاليبان قوزعالىسىن كەلىسسوزدەر جۇرگىزۋگە ماجبۇرلەۋ ءۇشىن اۋعانستانداعى اسكەر سانىن كوبەيتىپ، اۋە شابۋىلىن جيىلەتكەن بولاتىن. بىراق پەنتاگوننىڭ بۇل ارەكەتىنە قاراماستان تاليبان قوزعالىسى ءالى كۇنگە دەيىن اۋعانستان اۋماعىنىڭ باسىم كوپشىلىگىن ءوز باقىلاۋىندا ۇستاپ تۇر.

"The Qazaq Times"