AQŞ prezidenti Donal'd Tramp «Taliban» radikaldı qozğalısı Uaşingtonmen beybit kelisim jasağısı keletinin ayttı.

Aq üy äkimşiligi Talibanmen kelissözderdi qayta bastağan. Tramptıñ aytuınşa, Amerika Qwrama Ştattarı Auğanstan aumağındağı äsker sanın 8600 äskerge deyin azaytpaq.

«Biz kelisimge kelgemeyinşe, tolıq jeñiske jetpeyinşe toqtamaymız. Biz Taliban ökilderimen kezdestik. Bwrın olar atıstı toqtatudı qalağan joq, biraq qazir kerisinşe. Soñğı altı ayda aytarlıqtay jetistikterge jettik jäne sol aralıqta biz öz äskerlerimizdi şığarıp jatırmız», — dedi.

2017 jılı AQŞ Taliban qozğalısın kelissözder jürgizuge mäjbürleu üşin Auğanstandağı äsker sanın köbeytip, äue şabuılın jiiletken bolatın. Biraq Pentagonnıñ bwl äreketine qaramastan Taliban qozğalısı äli künge deyin Auğanstan aumağınıñ basım köpşiligin öz baqılauında wstap twr.

"The Qazaq Times"