نيۋ-يوركتىڭ بۇرىنعى مەرى، ميللياردەر مايكل بلۋمبەرگ اقش پرەزيدەنتتىك سايلاۋىنا قاتىسپاق. «مەن پرەزيدەنت دونالد ترامپتى جەڭىپ، امەريكانى قالپىنا كەلتىرۋگە تىرىسامىن» دەدى ول Twitter پاراقشاسىندا.

Bloomberg كومپانياسىنىڭ ۇگىت-ناسيحات شتابى سايتىنداعى مالىمەتتەر بويىنشا، ۇمىتكەردىڭ سايلاۋالدى ناۋقانى ەكونوميكا، دەنساۋلىق، يمميگراتسيا، ءبىلىم بەرۋ جانە قوعامدىق ورىنداردا وق اتۋدىڭ الدىن-الۋعا باعىتتالعان. نيۋ-يوركتىڭ ەكس-مەرى ەگەر ترامپ سايلاۋدا جەڭىسكە جەتەتىن بولسا، اقش «زالالدان ەشقاشان قۇتىلا المايتىنىن» ايتادى.

Bloomberg كەڭەسشىسى حوۆارد ۆۋلفسون سەنبىدە Associated Press-كە: «ول ەشقاشان ساياسي قاجەتتىلىكتەر ءۇشىن قايىر-ساداقالاردى قابىلداماعان. ونى ساتىپ الۋ مۇمكىن ەمەس جانە ول پرەزيدەنت بولسا، جالاقىدان باس تارتۋعا دايىن»، — دەيدى.

77 جاستاعى بلۋمبەرگ نيۋ-يوركتىڭ مەرى قىزمەتىن 2002 جىلدان 2013 جىلعا دەيىن اتقارعان. سونىمەن قاتار ول فيلانتروپ جانە اتاقتى قارجىلىق جاڭالىقتار اگەنتتىگىنىڭ نەگىزىن قالاۋشى رەتىندە دە تانىمال. ميللياردەر اقش-تاعى ەڭ باي ادامداردىڭ ءبىرى سانالادى. Forbes جۋرنالىنىڭ باعالاۋى بويىنشا ونىڭ بايلىعى 54 ميلليارد دوللاردان اسادى.

Bloomberg كوپ جىلدار بويى دەموكراتيالىق پارتيانىڭ مۇشەسى بولدى، بىراق ءوزىن 2001 جىلى نيۋ-يوركتىڭ مەرى ەتىپ ۇسىنعانعا دەيىن ول رەسپۋبليكاشىل رەتىندە تىركەلگەن. 2009 جىلى Bloomberg تاۋەلسىز ساياساتكەر رەتىندە ءۇشىنشى مەرزىمگە ۇمىتكەر بولدى. وتكەن جىلدىڭ قازاندا ول دەموكرات رەتىندە قايتا تىركەلدى.

ايتا كەتەيىك، امەريكاداعى كەزەكتى پرەزيدەنتتىك سايلاۋ 2020 جىلدىڭ 3 قاراشاسىندا وتەدى. قازىردىڭ وزىندە جيىرمادان استام ادام ءوز كانديداتۋراسىن ۇسىنىپ وتىر.

"The Qazaq Times"