ۇزاق مەرزىمدى پرەمەر: سيندزو ابە جاپون حالقىنا ۋادە بەردى

جاپونيا پرەمەر-ءمينيسترى سيندزو ابە ەلدەگى الەۋمەتتىك جاعداي مەن ءوزى باسقارىپ وتىرعان ۇكىمەتتىڭ قىزمەتىنە قاتىستى: «ءبىز بار كۇشىمىزدى ەلدە تۇراقتى ساياسي جۇيە ورناتۋعا جانە حالىققا بەرگەن ۋادەلەردى ورىنداۋعا جۇمسادىق»، – دەپ اتاپ ءوتتى. سونداي-اق ول الداعى ۋاقىتتا جاپون حالقىنا ادال قىزمەت ەتىپ، ەكونوميكالىق، الەۋمەتتىك جاعدايلاردى نىعايتۋ ءۇشىن ەڭبەك ەتەتىنىن ايتىپ، ۋادە بەردى.

ءبىر قىزىعى، سيندزو ابە ەل تاريحىندا ۇزاق مەرزىمگە بيلىك تىزگىنىن ۇستاپ وتىرعان پرەمەر-مينيستر. ول ۇكىمەتتى 2006-2007 جىلداردى ەسەپكە العاندا جالپى سانى 2887 كۇن باسقارعان. بۇل جاپونيا ساياساتىندا العاشقى ۇزاق مەرزىم سانالادى. ابە وسى ۋاقىتقا دەيىن اۋىسقان وزگە ۇكىمەتتەرگە قاراعاندا، ءوز اكىمشىلىگى جوعارى ناتيجەگە قول جەتكىزگەن مينيستر. ابەگە دەيىن بۇل رەكورد جاپونيانىڭ 11-ءشى پرەمەر-ءمينيسترى بولعان تارو كاتسۋراعا تيەسىلى ەدى. ول بيلىكتە 2 886 كۇن وتىرعان.

ابە ءبىرىنشى پرەمەر-مينيستر رەتىندە 2006 جىلدىڭ 26 قىركۇيەگىنەن 2007 جىلدىڭ 26 قىركۇيەگىنە دەيىن قىزمەت ەتتى. ەكىنشى رەت ول جالپى سايلاۋدا جدپ-نىڭ ايقىن جەڭىسىنەن كەيىن 2012 جىلدىڭ جەلتوقسانىندا ۇكىمەتتى باسقاردى. وتكەن جىلى ول ەلدەگى باسقارۋشى ليبەرالدى-دەموكراتيالىق پارتيانىڭ (جدپ) توراعاسى بولىپ قايتا سايلاندى. وسىلايشا، ول ۇكىمەتتى 2021 جىلعا دەيىن باسقارۋعا مۇمكىندىك الدى.

كۇنى بۇگىنگە دەيىن ۇكىمەت باسشىسى 72 جىلدان كوپ ۋاقىت بۇرىن جازىلعان كونس­تيتۋتسياعا وزگەرىس ەنگىزگىسى كەلەتىنىن ءبىرازدان بەرى بايقا­تىپ كەلەدى. نە­گىزگى زاڭنىڭ قا­زىر­گى زامان تالابىنا تولىق جاۋاپ بەرە المايتىنىن ايتقان سيندزو ابە اسىرەسە، مەملەكەتتىڭ ءوز اسكەرىن قۇرۋدان ءجا­نە سوعىستارعا قاتىسۋدان باس تارتۋىن مىندەتتەيتىن 9 باپتى قايتا قا­راۋدى اشىق ايتىپ ءجۇر. ول 2020 جىل جاپونيانىڭ قايتا جاڭعىراتىن جىلى بولادى دەپ سەنەدى.

الەۋمەتتىك جاعىنان الىپ قاراساق، جاپونيادا قازاننان باس­تاپ سالىق 10%-عا كوتەرى­لدى. 2014 جىلى ەلدە تۇتىنۋ سالى­عى 5-تەن 8%-عا دەيىن جوعارى­لاعان. سيندزو ابە كەزىن­دە اكتسيا باعاسى ءوسىپ، سالىق­تىق تۇسىمدەر ەداۋىر مولاي­دى. دەگەنمەن، بۇل بالا تۋ مەن حالىقتىڭ قارتايۋ كورسەت­كى­شىنىڭ تومەندەۋىنەن الەۋمەت­تىك شىعىنداردى جابۋعا جەتكىلىك­سىز. سوندىقتان الەۋ­مەت­تا­نۋ­شىلار ۇكىمەتكە سالىق ءوسى­مىنە ارقا سۇيەمەي، ماسەلەنى شە­شۋدىڭ جاڭا جولدارىن قا­راستىرۋ قاجەت ەكەنىن ايتادى.

"The Qazaq Times"