جاپون وپپوزيتسياسى ۇكىمەتكە سەنىمسىزدىك ۆوتۋمىن جاريالاماق

جاپون وپپوزيتسياسىنىڭ ىقپالدى كونستيتۋتسيالىق-دەموكراتيالىق پارتياسى باسقا ءتورت وپپوزيتسيالىق پارتيامەن ۇكىمەتكە سەنىمسىزدىك ۆوتۋمىن جاريالاماق. بۇل تۋرالى Kyodo اقپارات اگەنتتىگى حابارلادى.

وپپوزيتسيا قازىرگى ۇكىمەتتى پاندەميامەن كۇرەس ساياساتىن سىنعا الىپ وتىر. قازىرگى مينيسترلەر كابينەتىنىڭ ساياسي قارسىلاستارى پارلامەنتتىك سەسسيانى تالقىلاۋ جانە ىندەتكە قارسى جاڭا شارالاردى ءۇش ايعا ۇزارتۋدى تالاپ ەتەدى. ەگەر ەكى بيلەۋشى پارتيا بۇل ۇسىنىستى قابىلداماسا، سەنىمسىزدىك ۆوتۋمى تۋرالى قاراردىڭ كۇشىنە ەنەدى. پارلامەنتتىڭ قازىرگى سەسسياسى 16 ماۋسىمدا اياقتالۋى كەرەك.

مۇنىمەن قاتار، وپپوزيتسيانىڭ ۇكىمەتكە قارسىلىعى پارلامەنتتىڭ تومەنگى پالاتاسىنىڭ سايلاۋىمەن دە بايلانىستى. زاڭعا سايكەس، ول قازاننىڭ ەكىنشى جارتىسىنا دەيىن ءوتۋى كەرەك. بىراق پرەمەر-مينيستر ولاردى كەز كەلگەن ۋاقىتتا مەرزىمىنەن بۇرىن وتكىزۋگە قۇقىلى. حالىقتىڭ دا قازىرگى ۇكىمەتتى قولداۋ دەڭگەيى كوروناۆيرۋستىڭ ارتۋىنا بايلانىستى تومەندەگەن. ۆاكتسيناتسيا قارقىنى بويىنشا جاپونيا ۇلىبريتانيا، گەرمانيا، يتاليا، كانادا، اقش جانە فرانتسيا كىرەتىن «ۇلكەن جەتىلىك» ەلدەرىنەن ەداۋىر ارتتا قالدى.

"The Qazaq Times"