Japoniya prem'er-ministri Sindzo Abe. Foto: https://s.olj.me

Japoniya prem'er-ministri Sindzo Abe eldegi äleumettik jağday men özi basqarıp otırğan ükimettiñ qızmetine qatıstı: «Biz bar küşimizdi elde twraqtı sayasi jüye ornatuğa jäne halıqqa bergen uädelerdi orındauğa jwmsadıq», – dep atap ötti. Sonday-aq ol aldağı uaqıtta japon halqına adal qızmet etip, ekonomikalıq, äleumettik jağdaylardı nığaytu üşin eñbek etetinin aytıp, uäde berdi.

Bir qızığı, Sindzo Abe el tarihında wzaq merzimge bilik tizginin wstap otırğan prem'er-ministr. Ol ükimetti 2006-2007 jıldardı esepke alğanda jalpı sanı 2887 kün basqarğan. Bwl Japoniya sayasatında alğaşqı wzaq merzim sanaladı. Abe osı uaqıtqa deyin auısqan özge ükimetterge qarağanda, öz äkimşiligi joğarı nätijege qol jetkizgen ministr. Abege deyin bwl rekord Japoniyanıñ 11-şi prem'er-ministri bolğan Taro Kacurağa tiesili edi. Ol bilikte 2 886 kün otırğan.

Abe birinşi prem'er-ministr retinde 2006 jıldıñ 26 qırküyeginen 2007 jıldıñ 26 qırküyegine deyin qızmet etti. Ekinşi ret ol jalpı saylauda JDP-nıñ ayqın jeñisinen keyin 2012 jıldıñ jeltoqsanında ükimetti basqardı. Ötken jılı ol eldegi basqaruşı Liberaldı-demokratiyalıq partiyanıñ (JDP) törağası bolıp qayta saylandı. Osılayşa, ol ükimetti 2021 jılğa deyin basqaruğa mümkindik aldı.

Küni büginge deyin ükimet basşısı 72 jıldan köp uaqıt bwrın jazılğan kons­tituciyağa özgeris engizgisi keletinin birazdan beri bayqa­tıp keledi. Ne­gizgi zañnıñ qa­zir­gi zaman talabına tolıq jauap bere almaytının aytqan Sindzo Abe äsirese, memlekettiñ öz äskerin qwrudan jä­ne soğıstarğa qatısudan bas tartuın mindetteytin 9 baptı qayta qa­raudı aşıq aytıp jür. Ol 2020 jıl Japoniyanıñ qayta jañğıratın jılı boladı dep senedi.

Äleumettik jağınan alıp qarasaq, Japoniyada qazannan bas­tap salıq 10%-ğa köteri­ldi. 2014 jılı elde twtınu salı­ğı 5-ten 8%-ğa deyin joğarı­lağan. Sindzo Abe kezin­de akciya bağası ösip, salıq­tıq tüsimder edäuir molay­dı. Degenmen, bwl bala tuu men halıqtıñ qartayu körset­ki­şiniñ tömendeuinen äleumet­tik şığındardı jabuğa jetkilik­siz. Sondıqtan äleu­met­ta­nu­şılar ükimetke salıq ösi­mine arqa süyemey, mäseleni şe­şudiñ jaña joldarın qa­rastıru qajet ekenin aytadı.

"The Qazaq Times"