كورنەكى سۋرەت. اقش پرەزيدەنتى دونالد ترامپ جانە قازاقستان پرەزيدەنتى قاسىم-جومارت توقاەۆ. فوتو: https://avesta-news.kz

اقش پەن قازاقستان اراسىنداعى ستراتەگيالىق ارىپتەستىكتى نىعايتۋ ماقساتىندا كونگرەسس وكىلدەرى ارنايى توپ قۇردى. بۇل تۋرالى وتاندىق تەلەارنالار حابارلادى.

ەكىجاقتى قارىم-قاتىناستى رەتتەۋ، بايلانىستى نىعايتۋ جانە ەلدەگى ورىن العان جاعدايلاردى تالقىلاۋ ماقساتىندا جۇمىس ىستەيتىن توپتىكڭ تە توراعالارى بولىپ ستيۆ شابوت، گرەگوري ميكس جانە روبەرت ادەرحولت سايلانعان. رەسمي مالىمەتتەر بويىنشا، اتالعان توپ پارلامەنتارالىق بايلانىستىڭ نىعايۋىنا دا نازار اۋدارماق.

بىلتىر قاڭتاردا قازاقستاننىڭ بۇرىنعى پرەزيدەنتى نۇرسۇلتان نازارباەۆتىڭ ۋاشينگتونعا رەسمي ساپارى جانە مەملەكەت باسشىسى قاسىم جومارت توقاەۆتىڭ بيىل قىرۇيەكتەگى نيۋ-يورككە ساپارى كەزىندە كوتەرىلگەن ماسەلەلەر مەن ىسكەرلىك قارىم-قاتىناستاردىڭ جۇزەگە اسۋىنا مۇرىندىق بولماق نيەتتە.

وسىعان دەيىن مەملەكەت باسشىسى ق.توقاەۆ كونگرەسس وكىلدەرىمەن كەزدەسۋدە: «اقش – قازاقستاننىڭ تاۋەلسىزدىگىن مويىنداعان العاشقى مەملەكەتتەردىڭ ءبىرى. ءبىز ساۋدا-ەكونوميكالىق، ينۆەستيتسيالىق جانە ەنەرگەتيكالىق سالالاردا تىعىز ىنتىماقتاستىق ورناتتىق. ەلدەرىمىزدىڭ ءوزارا تابىستى ءىس-قيمىلدارىنىڭ ماڭىزدى باعىتى قارۋسىزدانۋ جانە يادرولىق قارۋدى تاراتپاۋ سالاسى سانالادى»، – دەگەن بولاتىن.

نەگىزىنەن اقش تاريحىندا كوكۋستار ءداستۇرى XVIII عاسىردان باستاۋ الادى. ول كەزدە كوكۋس قانداي دا ءبىر ساياسي ماقساتقا جەتۋ ءۇشىن قۇرىلاتىن. ال قازىر ولار اقش-تىڭ زاڭ بيلىگىندە كەڭىنەن تارالعان.

قازاقستان امەريكانىڭ ورتالىق ازياداعى ءىرى سەرىكتەسى سانالادى. تاۋەلسىزدىك جىلدارى ىشىندە امەريكا كومپانيالارى تاراپىنان قازاقستانعا 50 ميلليارد دوللاردان استام ينۆەستيتسيا قۇيىلعان. 2018 جىلى ەكى ەل اراسىنداعى تاۋار اينالىمى 2 ميلليارد دوللارعا جەتتى. 2017 جىلمەن سالىستىرعاندا 2018 جىلى ولاردىڭ كولەمى 44,7%-عا ءوسىپ، 5,3 ملرد اقش دوللارىنا جەتكەن.

"The Qazaq Times"