يسپانيا پرەمەر-ءمينيسترى سانچەس پەدرو. فوتو: heraldo.es

يسپانيادا كاتالونيانىڭ تاۋەلسىزدىگىن جاريالاۋعا قاتىستى شەرۋدى ۇيىمداستىرعان ساياساتكەرلەر تەرگەۋگە الىندى. بۇل تۋرالى El Pais باسىلىمى حابارلادى.

يسپانيانىڭ ءبىر توپ سەپاراتيستەرى ەل  ىشىندە بۇلىك ۇيىمداستىردى جانە بيۋدجەت قاراجاتىن ماقساتسىز پايدالاندى دەگەن ايىپ تاعىلعان. ەگەر ولار كىنالى دەپ تانىلسا، 25 جىلعا دەيىن باس بوستاندىعىنان ايىرىلۋى مۇمكىن. ەل بيلىگى سوت عيماراتىن كۇزەتۋ ءۇشىن جۇزدەگەن پوليتسيا، ونىڭ ىشىندە لاڭكەستىككە قارسى كۇرەس بولىمشەسىنىڭ قىزمەتكەرلەرىنە دەيىن قويعان.

11 اقپاندا يسپانياداعى كونسەرۆاتيۆتىك «ۇلتتىق پارتيا»، اسىرە وڭشىل «ۆوكس»، ورتالىقشىل «ازاماتتار» پارتياسى ۇيىمداستىرعان بولاتىن. مادريدتە وتكەن نارازىلىق شەرۋىنە جالپى سانى 45 مىڭعا جۋىق ادام قاتىستى. ورتالىقشىل «ازاماتتار» پارتياسىنىڭ (Ciudadanos) مۇشەلەرى ەلدىڭ پرەمەر-ءمينيسترى پەدرو سانچەستىڭ سەپاراتيستەرمەن كەلىسسوزدەر جۇرگىزۋ ءۇشىن دەلدال تاعايىنداۋ جوسپارى وتانعا وپاسىزدىق جاساۋمەن تەڭ ايىپتادى. سونىمەن قاتار، سەپاراتيستەر ەل پرەمەر-ءمينيسترى پەدرو سانچەستىڭ بيلىكتەن كەتۋىن جانە مەرزىمنەن تىس جالپىۇلتتىق سايلاۋ وتكىزۋدى تالاپ ەتكەن. وسى شەرۋدەن كەيىن يسپانيا بيلىگى سەپاراتيستەردى جاپپاي تەرگەۋگە الىپ وتىر. بيلىكتىڭ بۇل شەشىمىنە قارسىلىق بىلدىرۋشىلەر، ياعني سەپاراتيستەردى جاقتاۋشىلار سوت عيماراتىنىڭ جانىندا دەمونستراتسيا جاسادى.

ايىپتالۋشىلاردىڭ اراسىندا كاتالونيانىڭ بۇرىنعى ۆيتسە-پرەزيدەنتى وريول جۋنكەراس بار. جۋنكەراس 25 جىلعا دەيىن باس بوستاندىعىنان ايىرىلۋى مۇمكىن. باسقا ايىپتالۋشىلارعا، سونىڭ ىشىندە كاتالون پارلامەنتىنىڭ بۇرىنعى سپيكەرى كارمە فوركادەل 17 جىلعا دەيىن قاماۋعا الىنادى. ەل ساياساتكەرلەرى سەپاراتيستەرگە تاعىلعان ايىپتىڭ ادىلەتسىز ەكەندىگىن، يسپان زاڭناماسىنا سايكەس، بۇل جاعداي اشىق زورلىق-زومبىلىقتى بىلدىرەتىنىن ايتىپ وتىر.

وسى وقيعالارعا بايلانىستى جەرگىلىكتى سايلاۋ جينالىسىندا ءسوز سويلەگەن پەدرو سانچەس ونىڭ سوتسياليستىك پارتياسى ارقاشان ادىلەت جاعىندا بولعانىن جانە شيەلەنىسكەن داعدارىستى شەشۋگە تىرىساتىنىن ايتتى. ەندى سارسەنبىدە ۇكىمەت 2019 جىلعا ۇسىنىلعان بيۋدجەت بويىنشا داۋىس بەرۋدى جۇرگىزۋى ءتيىس: ەگەر ول بەكىتىلمەسە، يسپانيادا مەرزىمىنەن بۇرىن سايلاۋ وتەدى.

"The Qazaq Times"