پرەزيدەنت قاسىم-جومارت توقاەۆ فرانتسيا ساياساتكەرلەرىمەن رەسمي كەزدەسۋ وتكىزدى.

كەزدەسۋ بارىسىندا حالىقارالىق كۇن تارتىبىندەگى وزەكتى ماسەلەلەر، قازاقستان مەن فرانتسيا اراسىنداعى ەكى جاقتى ىنتىماقتاستىقتىڭ دامۋ پەرسپەكتيۆالارى، سونىڭ ىشىندە فرانتسيا پرەزيدەنتى ەممانۋەل ماكروننىڭ الداعى ۋاقىتتا قازاقستانعا جوسپارلانعان رەسمي ساپارىنىڭ بارىسى تالقىلاندى. رەسمي مالىمەتتەرگە سۇيەنسەك، فرانتسيا پرەزيدەنتى قازاقستانعا رەسمي ءىسساپار جاساماق.

قازىرگى ۋاقىتتا قازاقستان فرانتسيادان ەلەكتر، ەلەكتروندىق جانە مەحانيكالىق جابدىقتاردى، تۇتىنۋ تاۋارلارىن، ءدارى-دارمەكتەر مەن كوسمەتيكانى، اۆتوموبيلدەردى، ازىق-تۇلىك جنە قۇرىلىس ماتەريالدارىن يمپورتتايدى. 1993 جىلدان باستاپ 2012 جىلدىڭ 21 ناۋرىزىنا دەيىن فرانتسيادان قازاقستانعا كەلگەن تىكەلەي ينۆەستيتسيالاردىڭ جالپى كولەمى 9,25 ملرد. استام دوللار بولعان.

ال 2010-2012 جىلدارى 7 ءىرى بىرلەسكەن جوبا ىسكە اسىرىلدى:
— فرانتسيالىق اەروبۋستار ءۇشىن بولشەكتەردى شىعارۋ بويىنشا وسكەمەندە جانە فرانتسيادا بىرلەسكەن كاسىپورىن قۇرىلدى;
— الماتى وبلىسىندا «Danon» ءسۇت كومپانياسىنىڭ ونىمدەرىن شىعاراتىن زاۋىت سالىندى;
— جامبىل وبلىسىنداعى تسەمەنت زاۋىتى پايدالانۋعا بەرىلدى;
— «حيمفارم» اق-دا ەسسەنتسيالە پرەپاراتىنىڭ ءوندىرىسى رەتكە كەلتىرىلدى; - وسكەمەندە جانە استانادا مەتاللۋرگيالىق كرەمنيدىڭ ءوندىرىسى ىسكە قوسىلدى;
— قازاقستان-فرانتسيا تەحنولوگيالار ترانسفەرتىنىڭ ورتالىعى ىسكە قوسىلدى;
— اقشابۇلاق كەن ورنىندا گاز-تۋربينالىق ەلەكتر ستانسىسى سالىندى.

"The Qazaq Times"