ومبىدا قازاقستان مەن رەسەيدىڭ ون التىنشى وڭىرارالىق ىنتىماقتاستىق فورۋمى اياسىندا ەكى ەل پرەزيدەنتتەرى رەسمي كەزدەسۋ ۇيىمداستىردى.

فورۋم العاش رەت 2003 جىلى ومبىدان باستاۋ العان. اراعا 16 جىل سالىپ، قوس ەل دەلەگاتسياسى كەزدەسىپ وتىر. بيىل فورۋمعا مەملەكەت باسشىلارىنان بولەك، ۇكىمەت مۇشەلەرى مەن بيزنەس وكىلدەرى قاتىسقان.

قاسىم-جومارت توقاەۆ سوزىندە: «وڭىرلەرىمىز اراسىنداعى الىس-بەرىس جالپى تاۋار اينالىمى 10%. ول تۇراقتى دەڭگەيدە ارتىپ كەلەدى. ءبىز ونەركاسىپتىك كووپەراتسيادا، اۋىل شارۋاشىلىعىندا ايتارلىقتاي جەتىستىكتەرگە جەتتىك. العا جىلجۋ بار. الداعى ۋاقىتتا ارىپتەستىكتى ارتتىرۋ ءۇشىن بارىنشا كۇش-جىگەر جۇمسايمىن»، — دەدى.

رەسەي ءۇشىن ەڭ جاقىن سەرىكتەس مەملەكەت – قازاقستان ەكەنىن ايتقان پۋتين بىلتىر تاۋار اينالىمىنىڭ 14%-عا ءوسىپ، ينۆەستيتسيالاردىڭ ارتقانىن اتاپ ءوتتى.

رەسمي مالىمەتتەرگە سۇيەنسەك، 2003-2018 جىلدار ارالىعىندا ەكى ەل اراسىنداعى ساۋدا كولەمى 3,5 ەسە ۇلعايعان. 2018 جىلى تاۋار اينالىمى 6,5 تريلليون تەڭگەدەن استى نەمەسە 19 ميلليارد اقش دوللارىنا جەتكەن.

ايتا كەتەيىك، پرەزيدەنت قاسىم-جومارت توقاەۆ جىل باسىنان بەرى رەسەيگە 3 رەت ساپارلادى. قازاقستان پرەزيدەنتى ۆلاديمير پۋتينمەن بۇگىنگە دەيىن 4 رەت ەكىجاقتى كەزدەسۋ وتكىزگەن.

"The Qazaq Times"