قازاقستاننىڭ ەكس-پرەزيدەنتى نازارباەۆ پەن تۇركىستان وبلىسىنىڭ اكىمى ومىرزاق شوكەەۆ ا.ياسساۋي كەسەنەىنىڭ الدىندا. 4 قاراشا 2019 جىل. تۇركىستان. فوتو: ا.ۇكىباي

نازارباەۆ تۇركىستانداعى قۇرىلىس جۇمىستارىمەن تانىستى.

ەكس-پرەزيدەنتتىڭ ءباسپاسوز حاتشىسى ايدوس ۇكىباي ءوزىنىڭ Twitter پاراقشاسىندا قاۋىپسىزدىك كەڭەسى توراعاسىنىڭ تۇركىستان وبلىسىنا ەكى كۇندىك جۇمىس ساپارىمەن بارعانىن حابارلادى. وبلىس ورتالىعىنداعى مادەني جانە ءبىلىم بەرۋ نىساندارىنىڭ، ءارتۇرلى ساياباقتار مەن ارباتتىڭ سالىنۋ جوسپارىمەن، قۇرىلىس بارىسىمەن تانىستى. سونىمەن قاتار، ن.نازارباەۆقا «كۇلتوبە قالاشىعى» ارحەولوگيالىق پاركىن قۇرۋ جوباسى ۇسىنىلدى. سوڭعى كەزدەرى نازارباەۆ قىسقا مەرزىمدى ۇزىلىستەن كەيىن پۋبليكا الدىنا قايتا شىعىپ، اقپارات ايدىنىنان ءجيى كورىنە باستادى.

بىلتىر 21 ماۋسىمدا تۇركىستان قالاسى تۇركىستان وبلىسىنىڭ (بۇرىنعى وڭتۇستىك قازاقستان وبلىسى) ورتالىعى بولىپ قايتا قۇرىلعان بولاتىن.

تۇركىستان وبلىسىنىڭ اكىمى ومىرزاق شوكەەۆ قازاقستاننىڭ ەكس-پرەزيدەنتى نازارباەۆقا قالا جوسپارىن تانىستىرىپ تۇر. 4 قاراشا 2019 جىل. تۇركىستان. فوتو: ا.ۇكىباي

"The Qazaq Times"