ترامپتىڭ ازيا ەلدەرىنە ايتقان اجۋاسى

اقش-تىڭ امەريكا داۋسى سايتى «پرەزيدەنت دونالد ترامپتىڭ حيللاري كلينتونمەن پرەزيدەنتتىك باسەكەگە ءتۇسىپ،  قۇراما شتاتتاردى ارالاپ بايانداما جاساعان كەزدەرىندە، ازياداعى كوپتەگەن ەلدەرگە قاراتقان اقش-تىڭ بۇرىنعى ساياساتى جالعاسىن تاباتىنىن ايتقان. الايدا، ونىڭ تومەندەگى بەس ەلگە قاراتا ايىرىقشا ساياسي ماملەدە ەكەنىن بايقاۋعا بولادى. وعان ونىڭ تومەندەگى ءسوز-سويلەمدەرى مەن پىكىرلەرى دالەل» دەپ جازادى.

سولتۇستىك كورەيا

ول سولتۇستىك كورەيانىڭ كوشباسشىسى كيم چەڭ ىندى  «ەسالاڭ (maniac)» ،   «قۇتىرىق (madman)»، «ناعىز جەلىكپە (total nutjob)»  دەپ اتاعان. بىراق تا،  ترامپ ول جونىندە تاعى دا  «كوپ-كورىم قابىلەتتى»،  اكەسىنەن قالعان ۇقىقتى مەڭگەرگەنىنە قاراپ  «ماداقتاۋعا تاتيدى»  دەگەن.  ترامپ تاعى ءبىر سوزىندە قىتاي ارقىلى كيمدى جوق قىلامىز دەگەن.

فوتو: informator.news

وڭتۇستىك كورەيا

ترامپ وڭتۇستىك كورەياعا  «سەۋل ءبىزدىڭ اسكەري جاقتاعى قىراۋار شىعىنىمىزدى تولەسىن، ايتپەگەندە ونداعى اسكەردى شەگىندىرەمىز»  دەپ قۇقاي كورسەتكەن. ول تاعى بىلاي دەيدى: «اقش وڭتۇستىك كورەيانى قورعاپ،  سوتۇستىك كورەيانى تىزگىندەگەندە وڭتۇستىك كورەيا بىزگە قانشا اقشا تولەيدى ەكەن؟ ءبىر تيىن دا كورسەتكەن جوق».

فوتو: foreignpolicyblogs.com

جاپونيا

ترامپتىڭ جاپونيا جونىندەگى ءسوزى دە قىزىق. ول «اقش جاپونيا مەن سولتۇستىك كورەيانىڭ اراسىنداعى سوعىسقا قىستىرىلعىسى كەلمەيدى. الدا-جالدا شىنىمەن سوعىسىپ جاتساڭدار،  وندا وزدەرىڭ توبەلەسىڭدەر، سوعىستان جاقسىراق ءلاززات الىڭدار» دەگەن. سونداي-اق ول تاعى دا بەينە وڭتۇستىك كورەيگە كورسەتكەن قۇقايىن جاپونعا دا قاراتا ايتقان. «توكيو بىزگە اقشا تولەسىن،  ايتپەسە جاپونياداعى اقش ارمياسىن شەگىندىرەمىز. جاپون مەن اقش اراسىنداعى قاۋىپسىزدىك جونىندەگى كەيبىر كەلىسىمشارتتار تەك جالاڭ قابات دۇنيە. ءمۇبادا، كۇندەردىڭ بىرىندە ءبىز شابۋىلعا ۇشىراپ جاتساق، جاپون ءبىز ءۇشىن ەشتەڭە ىستەمەي-اق قويسىن. ۇيلەرىندە Sony ماركالى تەلەۆيزولارىن كورىپ وتىرا بەرسىن»  دەپ كەكەتتى.

فوتو: militaryarms.ru

قىتاي

سايلاۋدان بۇرىن ءار سوزىندە  «قىتايدى قۇلاتامىز،  قىتايدان اقش-قا كىرىپ جاتقان تاۋارلاردىڭ سالعىن 45%-عا دەيىن كوتەرەمىز» دەپ ايقۇلاقتانعان دونالد ترامپ تاعى دا بىلاي دەيدى: «جەرشارى كليماتىنىڭ جىلىنۋىن قىتاي تۋدىرعان قۇبىلىس. مۇنداي جىلى كليمات تەك قىتاي ءۇشىن قىزمەت ەتۋدە. ولاردىڭ نىساناسى اقش-تىڭ جاساۋ ونەركاسىبىنىڭ باسەكەلەستىك قۋاتىن السىرەتۋ».

فوتو: liga.net

فيليپپين

ترامپ ءفيليپپيندى «تەرروريستەر مەملەكەتىنىڭ تىزىمىنە ەنگىزىپ»، وسىنداي ەلدەردەن كەلگەن بۇقارالار مەن بوسقىنداردى اقش تەرريتورياسنا كىرگىزبەۋدى ايتقان. ونىڭ بۇل سوزىنە قاراتا فيليپپيننىڭ ءمانساپتىلارى دونالد ترامپتى فيليپپين تەرريتورياسىنا اتتاپ باستىرماۋدى ورتاعا قويعان.

فوتو: strifefinalwordpress.com

ادىلەت احمەتۇلى

“The Qazaq Times”