AP Photo/John Minchillo

رەسەي ۇستانعان ساياسات، ءسۇريا داعدارىسى، اقش كونگرەسى وكىلدەرىنىڭ پالاتاسىندا پرەزيدەنت دونالد ترامپقا قاتىستى باستالعان يمپيچمەنت پروتسەسى...وسى سىندى وزەكتى ماسەلەلەر 2020 جىلعى سايلاۋدا دەموكراتيالىق پارتيادان اقش پرەزيدەنتتىگىنە كانديدات لاۋازىمىنا ۇمىتكەرلەردىڭ ءتورتىنشى جالپىۇلتتىق تەلەدەباتتارىنىڭ تاقىرىبى بولدى. وگايو شتاتىنداعى وتتەربەين ۋنيۆەرسيتەتىندە وتكەن دەبات كورسەتىلىمىن CNN تەلەكومپانياسى جۇرگىزدى.

سايلاۋالدى مارافون باستالعالى 12-گە جۋىق كانديدات ءوزارا پىكىرتالاسىپ كەلەدى. ولاردىڭ قاتارىندا اقش-تىڭ ەكس-ۆيتسە-پرەزيدەنتى دجوزەف بايدەن، ۆەرمونت شتاتىنىڭ سەناتورى بەرني ساندەرس، ماسساچۋسەتس سەناتورى ەليزابەت ۋوررەن، نيۋ-دجەرسي شتاتىنىڭ سەناتورى كوري بۋكەر، كاليفورنيانىڭ سەناتورى كامالا حارريس، ميننەسوتا شتاتىنىڭ سەناتورى ەمي كلوبۋشار، تەحاس شتاتىنىڭ اقش كونگرەسىنىڭ وكىلدەر پالاتاسىنىڭ بۇرىنعى مۇشەسى بەتو و ' رۋرك، ساۋت-بەند قالاسىنىڭ مەرى (ينديانا شتاتى) پيت بۋتتەدجادجادج، اقش-تىڭ بۇرىنعى تۇرعىن ءۇي قۇرىلىسى جانە قالالىق دامۋ ءمينيسترى دجۋليان كاسترو، بيزنەسمەن ەندريۋ يانگ، گاۆاي شتاتىنان وكىلدەر پالاتاسىنىڭ مۇشەسى تۋلسي گاببارد جانە ميللياردەر توم ستەيەر بار.

انتيرەسەيلىك ساياسات

رەسەيگە قاتىستى ساياساتتى تالقىلاۋ كەزىندە بارلىق قاتىسۋشىلار ماسكەۋگە باعىتتالعان سانكتسيالاردى قاتاڭداتۋ جونىندە ۇسىنىس ءبىلدىردى. سەناتور كوري بۋكەر رەسەيگە قارسى تۇرۋ قاجەتتىلىگىگ ايتا كەلە، «اقش ورىس ۇستانىمىىڭ الەمدىك ساياساتتا نىعايۋىنا مۇمكىندىك بەرمەۋى ءتيىس» دەدى.

اقش كونگرەسى وكىلدەر پالاتاسىنىڭ بۇرىنعى مۇشەسى بەتو و ' رۋركتىڭ ويىنشا، رەسەي اگرەسسيالىق قادام جاساي وتىرىپ، دەموكراتيانى جانشۋعا اتسالىسىپ كەلەدى. سول سەبەپتى قازىرگى پرەزيدەنت دونالد ترامپ امەريكانىڭ سىرتقى ساياساتىندا رەسەيمەن اڭداپ قارىم-قاتىناس جۇرگىزۋى ءتيىس. اقش-تىڭ الەمدەگى ۇستانىمدارىن نىعايتۋداعى ديپلوماتيانىڭ رولىنە توقتالىپ وتكەن ميللياردەر توم ستەيەر ەلدەگى سايلاۋعا ششەتەلدىكتەردىڭ ارالاسپاۋى تۋرالى ارنايى زاڭناما قابىلداۋدى ۇسىندى.

ءسۇريا داعدارىسى

پىكىرتالاسقا قاتىسۋشىلار اقش-تىڭ سۇرياداعى ساياساتىن قاتاڭ سىنعا الدى. دجو بايدەن ءسۇريانىڭ سولتۇستىگىندەگى كۇردتەردى قولداۋدان باس تارتقان ترامپ اكىمشىلىگىنىڭ سىنعا الىپ، «ءبىزدىڭ اسكەريلەر ءوز ارەكەتتەرى ءۇشىن ۇيالۋى كەرەك، ال تۇركيا سۇرياداعى وپەراتسيا ءۇشىن جاۋاپ بەرۋى ءتيىس» دەدى. ۆەرمونت شتاتىنىڭ سەناتورى بەرني ساندەرس پرەزيدەنت ترامپتىڭ امەريكا اسكەرلەريلەرىن ءسۇريادان شىعارۋ تۋرالى شەشىم قابىلداپ، كەيىننەن باس تارتۋىنا قاتىستى «اقش پرەزيدەنتىنىڭ ۋادەسىنە قاي ەل سەنەدى؟» دەگەن ساۋال تاستادى.

ساۋت-بەند قالاسىنىڭ مەرى (ينديانا شتاتى) پيت بۋتتەدجادجادج «يسلام مەملەكەتى» لاڭكەستىك توبىنىڭ (رف-دا تىيىم سالىنعان) قايتا قالپىنا كەلۋ قاۋپى بار ەكەنىن ەسكەرتىپ، گۋمانيتارلىق ماسەلەلەردىڭ كۇتىپ تۇرعانىن ايتتى. جالپى العاندا، تۇركيانىڭ سۇرياداعى اسكەري وپەراتسياسى مەن اقش-تىڭ بۇعان كوزقاراسى ءسوز بولعاندا، بارلىق قاتىسۋشىلار ءسۇريا ماسەلەسىن قارۋ-جاراقپەن ەمەس ساياسي جولمەن شەشۋ كەرەكتىگىن ايتتى.

سىبايلاس جەمقورلىق جانە يمپيچمەنت

دجو بايدەننىڭ ايتۋىنشا، «ترامپقا يمپيچمەنت جاريالاۋدان باسقا جول جوق». ول اق ءۇيدىڭ قازىرگى باسشىسىن «تاريحتاعى ەڭ جەمقور باسشى» دەپ اتادى. ميللياردەر توم ستەيەر دە يمپيچمەنت جاريالاۋ تۋرالى ۇسىنىس ءبىلدىردى. ال كاسىپكەر ەندريۋ يانگ امەريكاعا جاڭا پەرسپەكتيۆا ۇستانۋ قاجەتتىگىن ايتتى.

امەريكادا ۋكراينا پرەزيدەنتى ۆلاديمير زەلەنسكي مەن ترامپتىڭ شىلدەدەگى اڭگىمەسى توڭىرەگىندە ءىرى جانجال باستالعان. اقش پرەزيدەنتىنىڭ ساياسي وپپونەنتتەرىنىڭ سوزىنە سەنسەك، ترامپ اڭگىمە بارىسىندا ۋكرايناعا بۇرىنعى امەريكاندىق ۆيتسە-پرەزيدەنت دجوزەف بايدەننىڭ ۇلىنا قاتىستى تەرگەۋ باستاۋدى سۇراعان. ال ونىڭ ورنىنا ۋاشينگتون كيەۆكە قارجىلاي جانە اسكەري كومەك كورسەتەدى. دەموكرات بايدەن 2020 جىلى قاراشادا وتەتىن پرەزيدەنتتىك سايلاۋدا ترامپتىڭ ەڭ مىقتى باسەكەلەسى سانالادى. سوندىقتان، دەموكراتتاردىڭ پىكىرىنشە، ترامپ زەلەنسكيگە «قىسىم كورسەتە وتىرىپ»، ەكىنشى مەرزىمگە قايتا سايلانۋعا تالپىنعان. ال دونالد ترامپ وسى تەرگەۋمەن اينالىساتىن كونگرەسسمەن-دەموكرات ادام ءشيففتى مەملەكەتكە ساتقىندىق جاسادى دەپ ايىپتاپ وتىر. ترامپتىڭ پىكىرىنشە، شيفف زەلەنسكيمەن تەلەفون ارقىلى اڭگىمەسىن تولىق ەمەس ءارى جالعان اقپارلارمەن تاراتقان.

سونىمەن...

قازىرگى جالپىۇلتتىق تەلەدەباتتان كەيىن دەموكراتيالىق پارتيادان پرەزيدەنتتىككە ۇمىتكەرلەر تاعى ەكى رەت – قاراشا مەن جەلتوقساندا جانە 2020 جىلى قاڭتار مەن ءساۋىر ارالىعىندا التى رەت كەزدەسەدى. كەلەسى بەسىنشى تەلەدەبات 20 قاراشادا دجوردجيا شتاتىندا وتەدى.

سايلاۋ الدىنداعى ناۋقان بارىسى جايلى اقپاراتتاردى جاريالايتىن Elections Central ينتەرنەت-پورتالىنىڭ دەرەكتەرى بويىنشا، تەلەدەباتقا قاتىسۋ تالاپتارىن 12 قاتىسۋشىنىڭ سەگىزى عانا ورىندادى: بايدەن، ساندەرس، ۋوررەن، بۋكەر، حارريس، بۋتتەجادجادج، يانگ جانە ستەيەر.

2020 جىلعى سايلاۋدا اقش دەموكراتيالىق پارتياسىنان قاتىساتىن كانديداتتىڭ ەسىمى ميلۋوكي قالاسىندا 13-16 شىلدەدە وتەتىن پارتيانىڭ ۇلتتىق سەزىندە بەلگىلى بولادى.

"The Qazaq Times"