رەسەي ۇكىمەتىنىڭ شارالارى ءونىم بەرگەن. فوتو: BBC.

رەسەيدە الكوگولدى ىشىمدىك ىشەتىندەردىڭ سانى ازايىپ، ۇزاق ءومىر ءسۇرۋ جاسى جوعارلاعان. بۇنداي مالىمەتتى دۇنيەجۇزىلىك دەنساۋلىق ساقتاۋ ۇيىمى مالىمدەدى. اتالعان ۇيىمنىڭ مالىمەتىندە، 2003-2016 جىلدار ارالىعىندا رەسەيدە الكوگولدى ىشىمدىك ىشەتىندەردىڭ سانى 43 پايىزعا دەيىن قىسقارعان.

ءبىر كەزدەرى رەسەي الكوگولدى ىشىمدىك ىشەتىن ەلدەر قاتارىندا كوش باستاعان ەدى. ىشىمدىكتەردەن بولاتىن اۋىرۋلاردان كوز جۇماتىن ازاماتتاردىڭ دا سانى كوپ بولعان. دۇنيەجۇزىلىك دەنساۋلىق ساقتاۋ ۇيىمى 2003-2018 جىلدار اراسىندا مۇنداي اۋرۋلاردان زارداپ شەگەتىن رەسەيلىكتەردىڭ سانى كورنەكتى ازايعانىن ايتادى. سونداي-اق، زاماتتاردىڭ ورتاشا ۇزاق جاساۋ جاسى ەرلەر 68, ايەلدەر 78 جاس كورسەتكىشىنە جەتكەن.، بۇل رەسەي جونىنەن رەكوردتىق دەڭگەي. اتالعان ۇيىم بۇنداي وزگەرىستى رەسەي ۇكىمەتىنىڭ الكوگولدى ىشىمدىكتەردى ازايتۋ، سالاۋاتتى ءومىر سالتىن ۇستانۋعا ناسيحاتتاۋ شارالارىنىڭ ناتيجەسى دەپ سانايدى.

رەسەيدە الكوگولدى ىشىمدىكتەرگە قارسى شارالار پرەزيدەنت دميتري مەدۆەدەۆ تۇسىندا قارقىندى بولعان. ۇكىمەت تارابىنان الكوگولدى ىشىمدىكتەرگە سالىقتى كوبەيتۋ، كەيبىر ۋاقىتتاردا ساۋدالاۋعا تىيىم سالۋ جانە ىشىمدىك ىشۋگە قارسى ناسيحاتتاۋ شارالارىن جۇرگىزگەن بولاتىن.

BBC ءتىلشىسى سارا رەينسفورد الكوگولدى ىشىمدىكتەرگە شەكتەۋ قويۋدى رەسەيدەگى ەڭ ۇلكەن وزگەرىستىڭ ءبىرى رەتىندە باعالايدى. دۇكەندەردە 23:00-بەن كەيىن اراق-شاراپ ساتۋعا شەكتەۋ قويىلعان. كوشەلەردە اراق-شاراپ ىشكەندەر قوماقتى ايىپپۇلعا جىعىندى بولادى. پوليتسيا دا بۇل ەرەجەلەردىڭ اتقارىلۋىنا قاتاڭدىق تانىتادى.

دەگەنمەن، بۇل ۇردىسكە قاراماستان اراق-شاراپتى ءداستۇر رەتىندە تۇتىناتىندار سانى دا كوپ.

“The Qazaq Times”