ورتالىق ازيا ەلدەرى قاۋىپسىزدىگىن وزدەرى قامتاماسىز ەتۋگە قاۋقارلى.

بىرىككەن ۇلتتار ۇيىمىنىڭ قاۋىپسىزدىك كەڭەسىندە وزبەكستان سىرتقى ىستەر ءمينيسترى ابدۋلازيز كاميلوۆ ورتالىق ازيا ەلدەرىنە قاتىستى مالىمدەمە جاسادى. وندا ول ايماقتاعى قاۋىپسىزدىكتى قامتاماسىز ەتۋ جانە تەرروريزممەن كۇرەس جونىندە ءسوز قوزعادى.

«تەرروريزم ماسەلەسى ايتىلعاندا ورتالىق ازيا ايماعىن ايتۋ ادەتكە اينالدى. ءبىز ورتالىق ازيا تۋرالى حالىقارالىق قاۋىمداستىق الدىندا جاعىمسىز كوزقاراس قالىپتاسقانىن قالامايمىز. «ورتالىق ازيادا تەرروريزم ءورتى تۇتانادى»، «جارىلادى» دەگەن سوزدەردى 25 جىلدان بەرى ەستىپ كەلەمىز. سوڭعى ءۇش جىلدا ءبىز شەكارانى شەگەندەۋ، سۋ پايدالانۋدى ءوزارا ءبولىسۋ، ترانسپورتتىق كوممۋنيكاتسيالاردى دامىتۋ جانە قاۋىپسىزدىك سالاسىندا ارىپتەستىكتى جاڭا دەڭگەيگە كوتەرۋ بويىنشا ءبىرشاما جەتىستىكتەرگە جەتتىك. بۇل دەگەنىمىز، ورتالىق ازيا ەلدىر ءوز قاۋىپسىزدىگىن وزدەرى قامتاماسىز ەتە الاتىن پوتەنتسيالعا يە دەگەن ءسوز» - دەدى كاميلوۆ.

بۇدان بولەك، وزبەكستان سىرتقى ىستەر ءمينيسترى ورتالىق ازيا ەلدەرى مەن حالىقارالىق قاۋىمداستىق تەرروريزممەن كۇرەس ماسەلەسىندە كۇش بىرىكتىرۋى كەرەكتىگىن ايتتى. ونىڭ سوزىنشە، بۇگىنگى تاڭدا اۋعانستان تەرروريزم وشاعى عانا ەمەس، جاڭادان اشىلىپ وتىرعان مۇمكىندىك. سەبەبى ەۋروپا - ورتالىق ازيا – اۋعانستان – وڭتۇستىك ازيا كولىك ءدالىزىنىڭ ەكونوميكالىق ماڭىزى وتە جوعارى.

"The Qazaq Times"