جاپونيا بىرىككەن ۇلتتار ۇيىمىنىڭ قاۋىپسىزدىك كەڭەسىن رەفورمالاۋدى ۇسىندى.

قىركۇيەك ايىنىڭ 25-ءى كۇنى بۇۇ-نىڭ باس اسسامبلەياسىندا جاپونيا پرەمەر-ءمينيسترى سيندزو ابە قاۋىپسىزدىك كەڭەسىن كەشەندى رەفورمالاۋ قاجەتتىگىن ايتتى.

«ۇزاق ۋاقىتتان بەرى جۇمىس ىستەپ كەلە جاتقان بىرىككەن ۇلتتار ۇيىمىنىڭ قاۋىپسىزدىك كەڭەسىن كەشەندى رەفورمالاۋ كەرەك. جاپونيا 2022 جىلى سايلاۋعا قاتىسادى جانە بۇۇ قاۋىپسىزدىك كەڭەسىنىڭ ۋاقىتشا وكىلى رەتىندە ۇيىمعا مۇشە ەلدەردىڭ قولداۋىن كۇتەدى. ءبىزدى قولداۋدى سۇرايمىز» - دەدى ابە.

ەستەرىڭىزگە سالايىق، بىلتىرعى جىلى بۇۇ باس اسسامبلەيا وتىرىسىندا فرانتسيا پرەزيدەنتى ەممانۋەل ماكرون الەمدىك ءتارتىپتى قايتا قاراۋدى ۇسىنعان.

"The Qazaq Times"