Жапония Біріккен Ұлттар Ұйымының Қауіпсіздік Кеңесін реформалауды ұсынды.

Қыркүйек айының 25-і күні БҰҰ-ның Бас Ассамблеясында Жапония премьер-министрі Синдзо Абэ Қауіпсіздік Кеңесін кешенді реформалау қажеттігін айтты.

«Ұзақ уақыттан бері жұмыс істеп келе жатқан Біріккен Ұлттар Ұйымының Қауіпсіздік Кеңесін кешенді реформалау керек. Жапония 2022 жылы сайлауға қатысады және БҰҰ Қауіпсіздік Кеңесінің уақытша өкілі ретінде ұйымға мүше елдердің қолдауын күтеді. Бізді қолдауды сұраймыз» - деді Абэ.

Естеріңізге салайық, былтырғы жылы БҰҰ Бас Ассамблея отырысында Франция президенті Эммануэль Макрон әлемдік тәртіпті қайта қарауды ұсынған.

"The Qazaq Times"