اقش پرەزيدەنتى دونالد ترامپ جانە ۆەنەسۋەلا پرەزيدەنتى نيكولاس مادۋرو. فوتو: https://tribwtic.files

ۆەنەسۋەلا بيلىگى قۇراما شتاتتارىمەن ديپلوماتيالىق ديالوگ جاساۋعا نيەتتى، ويتكەنى كەلىسسوزدەر – ەلدەگى داعدارىستى شەشۋدىڭ جالعىز جولى. بۇل تۋرالى ۆەنەسۋەلا ءسىم عيماراتىندا وتكەن ءباسپاسوز ءماسليحاتىندا بوليۆاريان رەسپۋبليكاسىنىڭ اتقارۋشى ۆيتسە-پرەزيدەنتى دەلسي رودريگەس مالىمدەدى.

TeleSUR ارناسىنا سۇحبات بەرگەن رودريگەس: «ءبىز اقش-پەن بايلانىس ورناتۋعا ۇمىتتەنەمىز. قازىر ۋاشينگتوننىڭ كاراكاسپەن بايلانىستى جاڭارتىپ، نيكولاس مادۋرو ۇكىسەتىن قولداۋدان باسقا اماسى قالمادى. سەبەبى، اقش پەن وزگە دە ەۋروپا ەلدەرىنىڭ ۆەنەسۋەلا وپپوزيتسياسىنا قولداۋ كورسەتىپ، لەگيتيمدى پرەزيدەنت سايلاۋ تۋرالى ويلارى جۇزەگە اسقان جوق»، – دەدى.

سونىمەن قاتار، ۆيتسە-پرەزيدەنت قازىرگى ۋاقىتتا «امەريكالىق اكىمشىلىك ۆەنەسۋەلالىقتاردىڭ ءومىر ءسۇرۋىن جاقسارتۋعا ەمەس، وپپوزيتسيا كوشباسشىسى حۋان گۋايدونى بايىتۋعا باعىتتالعان كۇش-جىگەردى قولدايتىنىن» اتاپ ءوتتى.

23 قاڭتاردا جوعارعى سوت جويىلعاننان كەيىن ۆەنەسۋەلاداعى جاعداي شيەلەنىسىپ كەتتى. سول ۋاقىتتا ۇلتتىق اسسامبلەيا باقىلاۋىنداعى وپپوزيتسيانى باسقارعان حۋان گۋايدو ءوزىن ۇكىمەت باسشىسى رەتىندە جاريالاعان. وعان اقش-پەن قوسا العاندا 50-دەن استام مەملەكەت قولداۋ كورسەتتى. ەۋروپالىق وداق گۋايدونى ەلدىڭ لەگيتيمدى باسشىسى رەتىندە تانىدى. ال قىتاي مەن رەسەي بيلىگى قازىرگى پرەزيدەنت نيكولاس مادۋرو ۇكىمەتىنە سەنىم ءبىلدىرىپ، اقش جانە ەۋروپا ەلدەرىنىڭ ۆەنەسۋەلا وپپوزيتسياسىنا قولداۋ ءبىلدىرۋىن «حالىقارالىق قۇقىقبۇزۋشىلىق» دەپ اتاعان.

بيىل ۆەنەسەۋلا اسسامبلەياسى گۋايدونى قۇقىقتىق يممۋنيتەتىنەن ايىرۋ تۋرالى ۇكىم شىعارىپ، بەلسەندى 15 جىلعا بيلىكتەن الاستاتىلدى. اتالعان جاعدايدان كەيىن گۋايدو جەرگىلىكتى باق وكىلدەرىنە سۇحباتىندا «بيلىك قىسىم كورسەتىپ، ارنايى ۇيىمداسقان توپ قاستاندىق جاساماق» دەگەن. كەيىننەن حۋان گۋايدو باستاعان وپپوزيتسيالىق توپ بۇۇ-دان گۋمانيتارلىق كومەك سۇراپ، نورۆەگيامەن ارنايى كەلىسىمگە كەلەتىنىن حابارلاعان بولاتىن. گۋايدونىڭ ايتۋىنشا، ونىڭ نورۆەگيامەن كۇش بىرىكتىرۋى پرەزيدەنت پەن ەلدەگى بيلىك قۇرىلىمدارىنىڭ اۋىسۋىنا اكەلەدى. ەگەر جوسپار تيىسىنشە ورىندالماسا، كاراكاستا كەزەكتى مارتە نارازىلىق اكتسيالارى ورىن الۋى مۇمكىن.

"The Qazaq Times"