اقش اكىمشىلىگى ۇلتتىق اسسامبلەيانى ء(بىر پالاتالى پارلامەنت) باسقاراتىن ۆەنەسۋەلا وپپوزيتسياسىنىڭ وكىلدەرىنە 1,7 ميلليارد دوللار ءبولدى. ەلدەگى وپپوزيتسيانى ەكسترەميستىك توپ رەتىندە تانىعان نيكولاس مادۋرو اقش-تىڭ بۇل ارەكەتىن قاتاڭ سىنعا الدى.
مەملەكەتتىك تەلەارنالارداعى مالىمدەمەسىندە مادۋرو: «اقش ۇكىمەتى ۇلتتىق اسسامبلەيانىڭ وسى قۇرامىنا 1,7 ميلليارد دوللار بولەتىنىن مالىمدەدى. اقش كونگرەسىنىڭ جاڭا قۇرامى قازىرگى پرەزيدەنت دونالد ترامپتىڭ بۇل ارەكەتىنە قارسى تەرگەۋ جۇرگىزۋىن تالاپ ەتەمىز. سەبەبى ۆەنەسۋەلادا بۇل توپ ەكسترەميستىك دەپ تانىلعان»، – دەيدى.
ۆەنەسۋەلاداعى جاعداي 2019 جىلدان كۇرت ناشارلاعان. 23 قاڭتاردا جوعارعى سوت جويىلعاننان كەيىن ۆەنەسۋەلاداعى جاعداي شيەلەنىسىپ كەتتى. سول ۋاقىتتا ۇلتتىق اسسامبلەيا باقىلاۋىنداعى وپپوزيتسيانى باسقارعان حۋان گۋايدو ءوزىن ۇكىمەت باسشىسى رەتىندە جاريالاعان. وعان اقش-پەن قوسا العاندا 50-دەن استام مەملەكەت قولداۋ كورسەتتى. ەۋروپالىق وداق گۋايدونى ەلدىڭ لەگيتيمدى باسشىسى رەتىندە تانىدى. ال قىتاي مەن رەسەي بيلىگى قازىرگى پرەزيدەنت نيكولاس مادۋرو ۇكىمەتىنە سەنىم ءبىلدىرىپ، اقش جانە ەۋروپا ەلدەرىنىڭ ۆەنەسۋەلا وپپوزيتسياسىنا قولداۋ ءبىلدىرۋىن «حالىقارالىق قۇقىقبۇزۋشىلىق» دەپ اتاعان.
ال قازىرگى پرەزيدەنت مادۋرو بۇل جاعدايدى «مەملەكەتتىك توڭكەرىسكە قادام» دەپ اتادى جانە اقش-پەن ديپلوماتيالىق قارىم-قاتىناستاردىڭ ۇزىلگەنىن مالىمدەدى. قازىرگى ۋاقىتتا مادۋروعا رەسەي، بەلارۋس، يران، قىتاي، كۋبا، نيكاراگۋا، سيريا قولداۋ ءبىلدىرىپ وتىر.
يرانداعى قانتوگىس پەن سىرتقى قىسىم: ترامپتىڭ ەكىۇشتى سيگنالى
كونستيتۋتسيا تاعى وزگەرمەك: رەفورما ما، الدە بيلىكتى قايتا قۇراستىرۋ ما؟
اقش «تاساداعى فلوتقا» توسقاۋىل قويدى: Olina تانكەرى جانە تەڭىزدەگى جاڭا سانكتسيالىق سوعىس
اتىراۋداعى جۇمباق جوعالۋ مەن ادام ءولىمى: ءىز-ءتۇزسىز ارتىلعان وتباسى، پوليتسيا تەرگەۋى جانە قوعام رەاكتسياسى
ايزات جۇمانوۆانىڭ ءولىمى: بۇگىن ۇكىم وقىلدى، ايىپتالۋشى 14 جىلعا سوتتالدى
ۋكراينا سوعىس جاعدايىنداعى باسقارۋ مودەلىن قايتا قالىپتاستىرۋدا: بۋدانوۆ پرەزيدەنت كەڭسەسىنە كەلدى