وزبەكستان ەكس-حانشايىمى گۇلنارا كارىموۆانى بەلگىسىز باعىتقا الىپ كەتتى. بۇل جونىندە ونىڭ ادۆوكاتى گرەگۋار مانجا مالىمدەدى.

گرەگۋار مانجا ءوزىنىڭ «Twitter» پاراقشاسىنا «گۇلنارا كارىموۆانى قىركۇيەك ايىنىڭ 16-ى كۇنى ياشناباد اۋداندىق سوتىنان بەلگىسىز باعىتقا الىپ كەتتى. وزبەكستاندىق ادۆوكات بۇل سوت پروتسەسى تۋرالى بۇگىن ەستىگەن. گۇلنارانىڭ قىزىن سوت زالىنا كىرگىزبەي قويعان. وسىدان ەكى اپتا بۇرىن سوتقا قاتىسۋ جونىندەگى مەنىڭ ءوتىنىشىم قابىلدانبادى» - دەپ جازدى.

تامىز ايىندا وزبەكستان باس پروكۋراتۋراسى گۇلنارا كارىموۆانىڭ ۇستىنەن قىلمىستىق ءىس قوزعاعانىن مالىمدەگەن. وندا وعان «مەملەكەت قارجىسىن جىمقىردى جانە وزبەكستان مۇددەسىنە قارسى كەلەتىن كەلىسىمدەر جاسادى» دەگەن ايىپتار تاعىلعان. كەيىننەن گۇلنارا كارىموۆانىڭ قىزى يمان كارىموۆا جاڭادان تاعىلعان ايىپتاردى «ساياسي قويىلىم» دەپ باعالاعان.

"The Qazaq Times"