ءسۇريانىڭ تۇركيامەن اراداعى شەكاراسىندا جارىلىس بولدى.

«انادولى» اگەنتتىگىنىڭ مالىمەتىنشە، وقيعا جارابلۋس پروۆينتسياسىنا قاراستى چوبانبەي ەلدى مەكەنىندەگى اۋرۋحانا ماڭىندا بولعان. سالدارىنان 12 ادام قازا تاۋىپ، 28 ادام جاراقات الدى. جارىلعىش قۇرىلعى اۆتوكولىككە جاسىرىلعان.

قازىرگى ۋاقىتتا ەكى ەل شەكاراسىنداعى جاعداي ۋشىعىپ تۇر. 6 قىركۇيەكتە تۇرىك پرەزيدەنتى رەجەپ تايىپ ەردوعان ءسۇريانىڭ سولتۇستىگىندە قاۋىپسىزدىك ايماعىن قالىپتاستىرۋ ءۇشىن تۇركياعا حالىقارالىق قولداۋ كورسەتىلمەسە، ميلليونداعان بوسقىندار ءۇشىن ەۋروپاعا شەكارا ايقارا اشىلاتىنىن ەسكەرتكەن بولاتىن. سونىمەن قاتار، رەسمي انكارا ەۋروپا ەلدەرىنەن لوگيستيكالىق كومەك سۇراعان. وسىعان بايلانىستى، بوسقىندار مەن بەيبىت تۇرعىنداردىڭ سۇرياداعى قاۋىپسىزدىگىن قامتاماسىز ەتۋگە قولداۋ كورسەتەتىن بىردەن-ءبىر مەملەكەت اقش بولعاندىقتان، تۇركيا اتالعان ماسەلەنى امەريكالىق اسكەرلەرمەن بىرلەسە شەشۋگە بەل بۋعان.

9 قىركۇيەكتە تۇركيا مەن اقش اسكەرلەرى ءسۇريانىڭ ەۆفرات وزەنىنەن شىعىس اۋدانداردا قاۋىپسىزدىك ايماعىن قۇرۋ ماقساتىندا بىرلەسكەن وپەراتسيا وتكىزگەن. كەيىننەن رەسمي انكارا ۋاشينگتوننىڭ بۇل ىستەنەمقۇرايدىلىق تانىتىپ وتىرعانىن حابارلاعان.

"The Qazaq Times"