كليمات وزگەرىسى جاي كوزگە دە انىق بايقالىپ جاتىر. ءار وڭىردە جاساعان حالىقتار وزدەرىنىڭ مەكەنىندەگى اۋا-رايىنىڭ پەيودىنان جاڭىلىپ قالدى. تابيعاتتىڭ جاۋىن-شاشىنى، قۋاڭشىلىق نەمەسە اجال ۇيىرگەن قۇيىندى داۋىلدار كۇتپەگەن كەزدە كەلىپ، ميلليونداعان، ءتىپتى ميللياردتاعان ادامداردىڭ ءومىرىن وزگەرتۋدە.

بيىل تابيعاتتاعى وزگەرىستەر ءتىپتى دە انىق بايقالعان جاز بولدى. ەۋروپادا اپتاپ ىستىق رەكوردتىق دەڭگەيگە دەيىن جەتسە، امەريكا قۇرلىعىنداعىلار مەزگىلسىز داۋىلدان زارداپ شەگۋدە. وڭتۇستىك-شىعىس ازيالىقتار سۋ تاسقىنىنان جانە جەر سىلكىنىسىنەن شىعىنعا ۇشىراپ جاتىر. وسىنىڭ ءبارى ارينە تابيعاتتىڭ بىزگە كورسەتكەن قاتالدىعىنان ەمەس، كەرىسىنشە ادامزاتتىڭ ءوز ىستەگەن ىستەرىنىڭ قايتارىمى، جاۋابى قاتىرىندا بولىپ جاتىر. سەبەبى، ادامزات قوعامىنىڭ ءوندىرىسى، قيمىلى تابيعاتتى اۋىر دارەجەدە لاستادى جانە جەر اناعا جازىلماستاي جارا سالدى. ەندى مىنە ادامدار وسى ءبىر جەر انانىڭ قاھارىنا تاپ بولامىز با دەگەن ۇرەيدىڭ ىشىنە سۇڭگىپ بارادى.

جاقىندا ۇيلەستىرۋ جانە اداپتاتسيا جونىندەگى حالىقارالىق كوميسسيا كليماتتىڭ وزگەرىسىنە قارسى ارەكەتتەردىڭ ناتيجەلى بولۋى ءۇشىن 1,8 تريلليون دوللار كولەمىندەگى قاراجات كەرەك ەكەنىن ەسەپتەپ شىقتى. الەمدەگى الدىنعى ەكونوميكاعا يە باي-قۋاتتى ەلدەر اتالعان سوماداعى قاراجات بولگەندە عانا جاھاندىق جىلىنۋدىڭ بۇدان دا كوپ زارداپتار اكەلۋىنىڭ الدىن الۋعا بولادى.

اتالعان كوميسسيانىڭ ەسەبىنشە، بۇل قاراجاتتار ازىق-تۇلىكتەردى قورعاۋ جانە كليماتتىڭ جىلىنۋىنان بولاتىن تەڭىز دەڭگەيىنىڭ كوتەرىلۋىنەن زارداپ شەگەتىن تەڭىز جاعالاۋلارىنداعى ءىرى قالالاردى قورعاپ قالۋعا جۇمسالۋى ءتيىس.

قانداي نەگىزگى سالالارعا جۇماسالادى:
1. داۋىل مەن اپتاپ ىستىقتى، اۋا-رايىنىڭ وزگەرىسىنەن الدىن الا مالىمەت بەرۋ تەحنولوگياسىن دامىتۋعا;
2. اۋىل شارۋاشىلىعىن دامىتىپ، ازىق-تۇلىك قاۋىپسىزدىگىن ساقتاۋعا;
3. سۋ رەسۋرستارىن قورعاۋعا;
4. ءىرى قالالاردى كليماتتىڭ وزگەرىسىنە بارىنشا بەيىمدەۋگە; (ايتالىق، قالا تەمپەراتۋراسىنىڭ جوعارىلاۋىنا قارسى شارالار – عيمارات پەن ۇيلەردىڭ شاتىرلارىن اق تۇسكە سىرلاۋ; لاز گازدار بولەتىن زاۋىتتاردى وزگەرتۋ; اۋا لاستاۋشى كولىكتەردى قىسقارتۋ، ت.ب.).

حالىقارالىق كوميسسيانىڭ مالىمدەۋىنشە، تەز ارادا قارجى مەن جۇيەلى شارالار جاسالسا كليماتتىڭ وزگەرىسىنەن بولاتىن 6,3 تريلليون دوللار كولەمىندە ەكونولوگيالىق، ەكونوميكالىق جانە الەۋمەتتىك شىعىنداردىڭ الدىن الۋعا بولادى.

“The Qazaq Times”