فوتو: https://syriasegodnia.files

اقش پەن تۇركيا اسكەرلەرى ءسۇريانىڭ ەۆفرات وزەنىنەن شىعىس اۋداندارىندا قاۋىپسىزدىك ايماعىن قۇرۋ ماقساتىندا بىرلەستى.

Reuters اگەنتتىگىنىڭ حابارلاۋىنشا، بىرلەسكەن وپەراتسياعا اكچاكال اۋدانىنان تۇرىكتىڭ التى بەرەندى تەحنيكاسى قاتىسقان. ەكى تاراپتىڭ كەلىسىمىنە سايكەس اتالعان وپەراتسيا ءۇش ساعاتقا سوزىلعان.

6 قىركۇيەكتە تۇرىك پرەزيدەنتى رەجەپ تايىپ ەردوعان ءسۇريانىڭ سولتۇستىگىندە قاۋىپسىزدىك ايماعىن قالىپتاستىرۋ ءۇشىن تۇركياعا حالىقارالىق قولداۋ كورسەتىلمەسە، ميلليونداعان بوسقىندار ءۇشىن ەۋروپاعا شەكارا ايقارا اشىلاتىنىن ەسكەرتكەن بولاتىن.

سونىمەن قاتار، رەسمي انكارا ەۋروپا ەلدەرىنەن لوگيستيكالىق كومەك سۇراعان. وسىعان بايلانىستى، بوسقىندار مەن بەيبىت تۇرعىنداردىڭ سۇرياداعى قاۋىپسىزدىگىن قامتاماسىز ەتۋگە قولداۋ كورسەتەتىن بىردەن-ءبىر مەملەكەت اقش بولعاندىقتان، تۇركيا اتالعان ماسەلەنى امەريكالىق اسكەرلەرمەن بىرلەسە شەشۋگە بەل بۋعان.

"The Qazaq Times"