Фото: https://syriasegodnia.files

АҚШ пен Түркия әскерлері Сүрияның Евфрат өзенінен шығыс аудандарында қауіпсіздік аймағын құру мақсатында бірлесті.

Reuters агенттігінің хабарлауынша, бірлескен операцияға Акчакал ауданынан түріктің алты беренді техникасы қатысқан. Екі тараптың келісіміне сәйкес аталған операция үш сағатқа созылған.

6 қыркүйекте түрік президенті Режеп Тайып Ердоған Сүрияның солтүстігінде қауіпсіздік аймағын қалыптастыру үшін Түркияға халықаралық қолдау көрсетілмесе, миллиондаған босқындар үшін Еуропаға шекара айқара ашылатынын ескерткен болатын.

Сонымен қатар, ресми Анкара Еуропа елдерінен логистикалық көмек сұраған. Осыған байланысты, босқындар мен бейбіт тұрғындардың Сүриядағы қауіпсіздігін қамтамасыз етуге қолдау көрсететін бірден-бір мемлекет АҚШ болғандықтан, Түркия аталған мәселені америкалық әскерлермен бірлесе шешуге бел буған.

"The Qazaq Times"