قازىرگى «اقيقات» جالپىۇلتتىق سوتسيال-دەموكراتيالىق پارتياسىنىڭ ەكس-توراعاسى جارماحان تۇياقباي پارتيا باسشىلىعىنىڭ اۋىسۋىن «لاس جانە اشىق توڭكەرىس» دەپ باعالادى.
پارتيا قۇرىلعان 2006 جىلدان باستاپ بيىلعى ساۋىرگە دەيىن توراعا قىزمەتىندە بولعان جارماحان تۇياقباي «6 قىركۇيەكتە جسدپ-نىڭ 15-ءشى سەزىندە بەيتانىس ادامدار ۇيىمداستىرعان دەلەگاتتار توبى مورال مەن ادامگەرشىلىكتىڭ كەز كەلگەن نورمالارىن پايدالانا وتىرىپ، پارتياعا لاس جانە اشىق توڭكەرىس جاساپ، ەرمۇرات ءباپيدى قىزمەتىنەن ىعىستىردى. تۇسىنگەنىم بويىنشا، بۇل الدىن-الا دايىندالعان ستسەناري. قازاقستاندى جالعىز وپپوزيتسيالىق پارتيادان ايىرۋ ماقساتىندا جاسالعانىن كورىپ وتىرمىز»، – دەيدى.
جسدپ وپپوزيتسيالىق پارتياسىن 13 جىل باسقارعان ەكس-توراعاسى جارماحان تۇياقباي. فوتو: اشىق دەرەككوز
Vlast.kz ينتەرنەت-جۋرنالىنىڭ حابارلاۋىنشا، جارماحان تۇياقباي XV سەزدە ورىن العان بۇل وقيعانى «ناعىز تراگەديا» دەپ باعالادى. سونداي-اق، ەكس-توراعا پارتيا مۇشەلەرىن جسدپ-نىڭ جاڭا سەزىن وتكىزۋگە جانە ەرمۇرات ءباپي وكىلەتتىلىگىن قالپىنا كەلتىرۋگە شاقىردى.
پارتيا قۇرامىنا قابىلدانعانىنا كوپ بولا قويماعان وپپوزيتسيالىق ساياساتكەر جانبولات ماماي دا بۇل وزگەرىسكە نارازى. رەداكتسيا تىلشىسىنە بەرگەن سۇقباتىندا ول:
– بۇل – تازا بيلىكتىڭ جاساعان ستسەناريى. ويتكەنى ەرمۇرات باپي بۇل پارتيادا ءبىراز رەفورمالار جۇرگىزگىسى كەلدى. بۇل جەرگە تاۋەلسىز، ازات ازاماتتاردى الىپ كەلگىسى كەلدى جانە الدا كەلە جاتقان پارلامەنت سايلاۋىندا «نۇروتانعا» كادىمگىدەي تويتارىس بەرەتىن كۇشكە اينالدىرعىسى كەلدى بۇل پارتيانى. بىراق وزدەرىڭىز كورىپ وتىرسىزدار، وكىنىشكە وراي بيلىكتىڭ ۇيىمداستىرعان ستسەناريىمەن وسىنداي وزگەرىس بولىپ جاتىر ول جەردە. سوندىقتان بۇل پارتيا ەندى ناعىز ءولى پارتياعا اينالدى دەۋگە بولادى، – دەگەن ەدى.
جاسدپ قۇرامىنا جاقىندا عانا كىرىپ، ەندى شىعۋدى جوسپارلاپ وتىرعان ساياساتكەر جانبولات ماماي. فوتو: ازاتتىق
وسىعان دەيىن قىركۇيەكتىڭ 6-سى «اقيقات» جسدپ پارتياسىنىڭ بۇرىنعى توراعاسى ەرمۇرات ءباپي پارتيا مۇشەلەرى وعان پاريج كونفەرەنتسياسىنا قاتىسۋىنا سەنىمسىزدىك بىلدىرگەنىنە بايلانىستى وتستاۆكاعا كەتتى. ونىڭ ورنىنا پارتيانىڭ استانالىق فيليالىنىڭ باسشىسى اسحات راحىمجانوۆ كەلدى.
7 قىركۇيەك الماتى قالاسىندا وتكەن ءىى حالىق قۇرىلتايىنىڭ جيىنىندا ەرمۇرات ءباپي جاعدايعا قاتىستى سوت پروتسەستەرى باستالعانىن مالىمدەگەن بولاتىن.
"اقيقات" جسدپ ەكس-توراعاسى ەرمۇرات ءباپي قۇرىلتايدا. 7 قىركۇيەك 2019 جىل. فوتو: QT
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟