فوتو: ازاتتىق راديوسى

ەرمۇرات باپي جسدپ «اقيقات» پارتياسىنىڭ توراعالىعىنان كەتتى.

قىركۇيەك ايىنىڭ 6-ى كۇنى الماتى قالاسىندا وتكەن جسدپ «اقيقات» پارتياسىنىڭ 15-سەزىندە قازىرگى باسشىلارعا سەنىمسىزدىك ءبىلدىرۋ تالقىلانىپ، پارتيا توراعاسى ەرمۇرات باپي قىزمەتىنەن كەتتى. ونىڭ ورنىنا اسحات راقىمجانوۆ توراعا بولىپ سايلاندى.

جيىن بارىسىندا ءسوز سويلەگەن ەرمۇرات باپي بولعان جاعدايدى پارتيا ىشىندەگى الاۋىزدىق دەپ باعالاپ، «ەلدەگى جالعىز وپپوزيتسيالىق پارتيانى جەرلەدىڭىزدەر» دەپ، وتىرىس بىتپەي جاتىپ زالدان شىعىپ كەتتى.

قۇرىلتاي بارىسىندا جسدپ-نىڭ كەيبىر مۇشەلەرى ءباپيدىڭ ىستەپ جاتقان جۇمىستارىنا كوڭىلدەرى تولمايتىندىقتارىن ايتىپ، توراعانى پارتيانىڭ رۇقساتىنسىز ەكس-پرەمەر اكەجان قاجىگەلدين مەن اتىراۋ وبلىسىنىڭ بۇرىنعى اكىمى بەرگەي رىسقاليمەن كەزدەسكەنىن ايىپتادى.

"The Qazaq Times"