Фото: Азаттық радиосы

Ермұрат Бапи ЖСДП «Ақиқат» партиясының төрағалығынан кетті.

Қыркүйек айының 6-ы күні Алматы қаласында өткен ЖСДП «Ақиқат» партиясының 15-сьезінде қазіргі басшыларға сенімсіздік білдіру талқыланып, партия төрағасы Ермұрат Бапи қызметінен кетті. Оның орнына Асхат Рақымжанов төраға болып сайланды.

Жиын барысында сөз сөйлеген Ермұрат Бапи болған жағдайды партия ішіндегі алауыздық деп бағалап, «Елдегі жалғыз оппозициялық партияны жерледіңіздер» деп, отырыс бітпей жатып залдан шығып кетті.

Құрылтай барысында ЖСДП-ның кейбір мүшелері Бапидің істеп жатқан жұмыстарына көңілдері толмайтындықтарын айтып, төрағаны партияның рұқсатынсыз экс-премьер Әкежан Қажыгелдин мен Атырау облысының бұрынғы әкімі Бергей Рысқалимен кездескенін айыптады.

"The Qazaq Times"