قىرعىزستاندىق ساياساتكەر ومىربەك بابانوۆ تەرگەۋگە الىندى.

جاقىندا عانا بىشكەككە قايتىپ ورالعان ەكس-پرەمەر-مينيستر ومىربەك بابانوۆتى ەكونوميكالىق قىلمىسپەن كۇرەس مەملەكەتتىك قىزمەتى تەرگەۋگە شاقىرعان. جەرگىلىكتى باق وكىلدەرىنىڭ مالىمەتىنشە، تەرگەۋ ءتورت ساعاتقا سوزىلعان. بابانوۆتىڭ سوزىنشە، ول تەرگەۋ كەزىندە بانك ىسىنە قاتىستى سۇراقتارعا جاۋاپ بەرگەن.

تەرگەۋ جۇمىستارىنان كەيىن قىرعىزستان ۇلتتىق قاۋىپسىزدىك قىزمەتى مەن قارجى پوليتسياسى ومىربەك بابانوۆتىڭ تەكسەرىلىپ جاتقان سەگىز قىلمىستىق ىسكە قاتىسى بار ەكەندىگىن مالىمدەدى.

ومىربەك بابانوۆ 2017 جىلى بولعان پرەزيدەنت سايلاۋىنان كەيىن ءوزىنىڭ ساياسي مانسابىن اياقتايتىنىن ايتىپ، ەلدەن كەتۋگە ءماجبۇر بولعان. وسى ۋاقىتقا دەيىن ماسكەۋدە تۇرعان ول تامىز ايىنىڭ 9-ى كۇنى بىشكەككە قايتىپ ورالعان. وسىعان دەيىن بەرگەن سۇحباتتارىنىڭ بىرىندە بابانوۆ: «مەن ساياساتقا ەمەس، ەلىمە قايتىپ ورالدىم. ەلدى، جەردى ساعىندىم» دەپ مالىمدەگەن.

"The Qazaq Times"