جاڭاوزەن حالقى قىتاي كومپانيالارىنا قارسى ميتينگكە شىقتى.

بۇگىن جاڭاوزەن قالاسىندا قازاقستانعا كوشىرىلەدى دەلىنگەن 55 قىتايلىق زاۋىتقا قاتىستى قارسىلىق اكتسياسى ءوتتى. شەرۋگە جينالعاندار وبلىس اكىمى سەرىكباي وتەلگەنۇلىمەن كەزدەسىپ، وزدەرىنىڭ تالاپ-تىلەكتەرىن ايتتى. ماڭعىستاۋ وبلىسى اكىمىنىڭ ءباسپاسوز حاتشىسى سامات مەيىرۇلىنىڭ سوزىنشە، الاڭعا جينالعان حالىق وبلىس اكىمىمەن كەزدەسكەننەن كەيىن ۇيلەرىنە تاراعان.

جاڭاوزەن حالقى قىركۇيەك ايىنىڭ 2-ءى كۇنى الاڭعا جينالىپ، قازاقستانعا قىتايدان اكەلىنەدى دەلىنگەن 55 زاۋىتتى ەل اۋماعىنا كىرگىزبەۋدى جانە پرەزيدەنت قاسىم-جومارت توقاەۆتى قىتايعا رەسمي ساپارمەن بارماۋعا شاقىرعان. توقاەۆ قىركۇيەك ايىنىڭ 11-12-ءى كۇندەرى ارالىعىندا قىتايعا بارادى دەپ كۇتىلۋدە.

"The Qazaq Times"