فوتو: https://gorlovka.today

اقش مەملەكەتتىك حاتشىسى مايك پومپەو پرەزيدەنت دونالد ترامپ پەن ەۋروپالىق وداق قارىم-قاتىناسىن قايتا جاڭعىرتقىسى كەلەتىنىن Politico باسىلىمىنا حابارلادى.

وسى اپتادا بريۋسسەلدە ەۋروپارلامەنت باسشىسى دەۆيد ساسسولي، ەۋروكوميسسيا توراعاسى ۋرسۋلا فون دەر ليايەن جانە وزگە دە باسشىلىق قۇرامىمەن كەزدەسەتىن پومپەو اقش پەن ەو اراسىنداعى ديپلوماتيالىق بايلانىستاردى تالقىلاماق. پومپەو سوزىندە: «مەن ەۋروپالىق وداق ليدەرلەرى مەن پرەزيدەنت ترامپتىڭ بايلانىسىن نىعايتقىم كەلەدى. وسىعان دەيىن ورىن العان قانداي دا ءبىر ماسەلەلەر فرانتسيادا وتكەن سامميتتە تالقىلانعان بولاتىن. دەگەنمەن، بريۋسسەلدە جوسپارلانعان كەزدەسۋدە ءبىزدىڭ تاراپ كليمات وزگەرىسى، عالامدىق جىلىنۋ جانە جاھاندىق ساياسي احۋالدى دا تالقىلايتىن بولادى»، – دەدى.

بيىل ەو مەن ترامپ ادمينيستراتسياسى يراننىڭ يادرولىق كەلىسىمىندەگى تالاپتاردى قاداعالاۋىن تالاپ ەتكەن بولاتىن. وسى رەتتە ەو-داعى حالىقارالىق بايلانىستار بويىنشا ءتورايىم فەدەريكا موگەريني مەن ترامپ ورتاق كەلىسىمگە كەلە الماعان.

"The Qazaq Times"