ۇلتتىق ەكونوميكا مينيسترلىگى ستاتيستيكا كوميتەتىنىڭ دەرەگىنشە, ازىق-تۇلىك باعاسى ءبىر جىلدىق سالىستىرمالى ەسەپ بويىنشا  9%-عا وسكەن.

بىلتىرعى تامىز ايىنداعى كورسەتكىشتەرگە قاراعاندا بيىلعى تسيفرلاردا ەداۋىر قىمباتشىلىق بايقالادى.  نان ونىمدەرى جانە جارمالار، ەت، بالىق جانە تەڭىز ونىمدەرى، ءسۇت ونىمدەرى، جۇمىرتقا، ماي جانە توڭماي، كوكونىستەر، قانت، كونديتەرلىك ونىمدەر، الكوگولسىز سۋسىندار جانە الكوگولدى ىشىمدىكتەر قىمباتتادى، ال جاڭا جينالعان جەمىستەر ناۋقانعا بايلانىستى شامالى ارزاندادى.

جارما ونىمدەرى توبىندا باعانىڭ ءار باعىتتا وزگەرۋى بەلگىلەنگەن. 2019 جىلعى تامىزدا كۇرىشكە ورتاشا باعا 374 تەڭگەنى، 2018 جىلعى تامىزداعى كيلوگرامىنا 306 تەڭگەنى قۇراعان. قۇمشەكەردىڭ ورتاشا باعاسى 2019 جىلعى تامىزدا كيلوگرامى 233 تەڭگەگە جەتسە، بىلتىرعى تامىزدا 223 تەڭگە بولعان.

2019 جىلعى تامىزدا ەت جانە ەت ونىمدەرىنەن سيىر ەتىنىڭ جاۋىرىن-ءتوس بولىگىنە ورتاشا باعا كيلوگرامىنا 1713 تەڭگەنى (2018 جىلعى تامىزدا – 1506 تەڭگە), سۇيەگى بار قوي ەتىنە – 1648 تەڭگەنى (1433 تەڭگە), سۇيەگى بار جىلقى ەتىنە – 1933 تەڭگەنى (1695 تەڭگە), شوشقا ەتىنىڭ جاۋىرىن بولىگىنە – 1416 تەڭگەنى (1281 تەڭگە), شالا ىستالعان شۇجىققا – 2109 تەڭگەنى (1928 تەڭگە), تاۋىقتىڭ سان ەتىنە – 812 تەڭگەنى (663 تەڭگە) قۇرادى.

تاۋەلسىز ساراپشىلار مەن ەل ازاماتتارىنىڭ ايتۋىنشا، ازىق-تۇلىكتىڭ رەسمي دەرەكتەردەن الدەقايدا جوعارى باعادا ساتىلۋدا. وتكەن اپتادا ۇكىمەت ەڭ ماڭىزدى اكتيۆتى تاۋارلار مەن نەگىزگى ازىق-تۇلىك تۇرلەرىنىڭ ورىنسىز قىمباتتاماۋىن باقىلاۋ جونىندە مىندەتتەمە العان ەدى. بىراق شىنتۋايتىنا كەلگەندە، كۇندەلىكتى ومىردە دۇكەن سورەلەرىندەگى تاۋارلاردىڭ باعاسى ءبىرشاما وسكەن. ەكونوميست ماماندار مۇنى «ءداستۇرلى» تۇردە كوزدىڭ تامشىسىنداي ەتىپ وسىرىلەتىن جالاقى ءۇردىسى مەن بەتىمەن كەتكەن كاسىپكەرلەردىڭ  باقىلاۋسىز بولۋىمەن بايلانىستىرادى.

قىمباتشىلىق بۇيىردەن قىسقان قازاقستاندىقتار، سونىڭ ىشىندە الەۋمەتتىك وسال توپتارعا قاندايدا ءبىر قولداۋ شارالارى قالاي ءوربيتىنى ازىرگە بەلگىسىز. جىلما-جىل نەگىزسىز قىمباتتايتىن كەيبىر تاۋارلار وتباسىلىق بيۋدجەتكە، جاتاقحانا-پاتەردە تۇراتىن ستۋدەنتتەرگە سالماق سالىپ وتىر. ءبىر ايدىڭ ىشىندە دوللار تەڭگەگە شاققاندا 390-عا ەكى رەت كوتەرىلىپ، قۇلادى. توقاەۆ ۋادە ەتكەندەي تامىز كەڭەسىندەگى پەداگوگتاردىڭ ەڭبەكاقىسىن الداعى ءتورت جىلدا ەكى ەسە ارتتىرامىز دەگەنى  مىنا قارقىنمەن 2023 جىلى بۇگىنگىدەي دە قۇنى بولماۋى مۇمكىن دەگەن قاۋىپ بار.

2019 جىلعى تامىزداعى ازىق-تۇلىك تاۋارلارىنىڭ جەكەلەگەن تۇرلەرىنە ورتاشا باعالار

                                                                                                                                         كيلوگرامم تەڭگەمەن

 

قازاقستان رەسپۋبليكاسى بويىنشا
باعا
قالادا تىركەلگەن
2018 جىلعى تامىز
2019 جىلعى تامىز
ەڭ تومەن
ەڭ جوعارى
ەڭ تومەن باعا
ەڭ جوعارى باعا

ءبىرىنشى سۇرىپتى بيداي ۇنىنان پىسىرىلگەن نان

125 140 116 171 تاراز اقتاۋ
سۇزبە 1 555 1 551 1 147 2 126 پەتروپاۆل

اتىراۋ

قايماق

1 030 1 065 799 1 351 تالدىقورگان الماتى

مايەكتى ىرىمشىك

2 412 2 685 2 077 3 450 شىمكەنت

نۇر-سۇلتان

ايران

278 286 226 357 تالدىقورگان نۇر-سۇلتان
پاستەرلەنگەن ءسۇت 218 243 182 264 تاراز

الماتى

تۇزدالماعان سارى ماي 2 026 2 220 1 812 3 540 پاۆلودار

اقتاۋ

كۇنباعىس مايى، ليتر

405 434 380 488 قاراعاندى اقتاۋ
جۇمىرتقا، وندىق 222 248 190 323 قاراعاندى، پەتروپاۆل

الماتى

تۇز

51 53 40 59 اقتوبە، ورال الماتى، نۇر-سۇلتان
كارتوپ 101 111 79 151 پاۆلودار

اقتاۋ

اق قاۋاندى قىرىققابات

89 100 70 137 قاراعاندى نۇر-سۇلتان
باستى پياز 90 129 110 150 اكتوبە

اقتاۋ

ءسابىز

154 147 115 179 پاۆلودار نۇر-سۇلتان
الما 430 378 290 521 شىمكەنت

اقتاۋ

بانان 455 547 473 620 اقتوبە

اقتاۋ

ەسكەرتۋ: تاماق ونىمدەرىنىڭ باعاسىن تىركەۋ مەنشىكتىڭ بارلىق نىسانىنداعى ساۋدا كاسىپورىندارىنىڭ ىرىكتەمە جەلىسى بويىنشا جانە قازاقستاننىڭ ءىرى قالالارىنداعى قالالىق بازارلاردا جۇزەگە اسىرىلادى. رەسپۋبليكا بويىنشا ورتاشا باعا دەڭگەيى نۇر-سۇلتان، الماتى، شىمكەنت، سەمەي قالالارى، وبلىس ورتالىقتارى جانە اۋدانداردىڭ ىرىكتەلگەن شەڭبەرىنىڭ باعا دەڭگەيىنەن سالماقتالعان شاماسى رەتىندە انىقتالادى.

"The Qazaq Times"