دۇنيەجۇزى قازاقتارى قاۋىمداستىعىنىڭ  ۇيىمداستىرىۋىمەن اقمولا وبلىسىندا «مەكتەپكە جول» جالپى رەسپۋبليكالىق قايىرىمدىلىق اكتسياسى اياسىندا از قامتىلعان جانە كوپبالالى وتباسىلاردان شىققان 20-عا جۋىق جەتكىنشەك ساباققا قاجەتتى دۇنيەلەرمەن قامتىلدى. داپتەر، قالام، سومكە جانە 5000 تەڭگە كولەمىندە اقشالاي كومەك بەرىلدى، دەپ دۇنيەجۇزى قازاقتارى قاۋىمداستىعىنىڭ ءباسپاسوز قىزمەتى حابارلايدى.

سالتاناتتى راسىمگە قوعامدىق بىرلەستىكتەردىڭ وكىلدەرى، اقمولا وبلىستىق  ىشكى ساياسات باسقارماسىنىڭ، «جەبەۋ» رەسپۋبليكالىق قوعامدىق بىرلەستىگىنىڭ وكىلدەرى جانە قالا تۇرعىندارى كوپتەپ جينالدى. اۋقىمدى ىستەردى مەجەلەپ وتىرعان دۇنيەجۇزى قازاقتارىنىڭ قاۋىمداستىعى اقمولا وبلىستىق   فيليال العاشقى ساتتەن-اق ەلدى ەلەڭ ەتكىزدى. الدىمەن «مەكتەپكە جول» اكتسياسى اياسىندا بىرنەشە بالاعا وقۋعا قاجەتتى قۇرال-جابدىقتار، اقشالاي كولەمىندە كومەك تارتۋ ەتىلدى.

بالالاردىڭ قۋانعانى – ناعىز باقىت. بۇگىندە كاسىپكەرلەر جىل سايىن اكتسياعا بەلسەندى قاتىسۋدا. قايىرىمدىلىق شارا اياسىندا از قامتىلعان جانە كوپبالالى وتباسىلاردان شىققان 20-عا جۋىق جەتكىنشەك ساباققا قاجەتتى دۇنيەلەرمەن قامتىلدى. داپتەر، قالام، سومكە جانە 5000 تەڭگە كولەمىندە اقشالاي كومەك. مۇندا ساباققا قاجەتتى دۇنيەلەردىڭ بارلىعى بار. بۇل زاتتاردىڭ باسىم بولىگىن ساتىپ الۋعا كاسىپكەر ازاماتتار قولعابىس ەتكەن. دۇنيەجۇزى قازاقتارى قاۋىمداستىعىنىڭ وكىلدەرى بارشا ازاماتتاردى وتباسىلارعا كومەك كورسەتۋدە، سونداي-اق، بالالاردىڭ ساپالى  ءبىلىم الۋى ءۇشىن بارىنشا ۇلەس قوسۋعا شاقىرادى.

نۇر-سۇلتان قالاسى مەن اقمولا وبلىسى فيليالدارىنىڭ باسشىسى قارلىعاش بەكپاتشاقىزىنىڭ ايتۋىنشا، باستى ماقسات الىستان كەلگەن اعايىن مەن بايىرعى تۇرعىندار اراسىنداعى بايلانىستى نىعايتۋ. تورتەۋ تۇگەل جەردە توبەدەگى كەلەدى ەمەس پە؟ قاجەت بولىپ جاتسا جاردەم سۇراي كەلگەن قانداستارعا دا قامقورلىق كورسەتپەك. ماسەلەن، قۇجات راسىمدەۋدەن باستاپ، تىرشىلىكتەگى سانالۋان تۇيتكىلدەردى شەشۋگە كەلەلى كەڭەس بەرۋ دە كوزدەلگەن.

"The Qazaq Times"