الماتىلىق بەلسەندىلەر كۇدەباەۆتىڭ وتستاۆكاعا كەتۋىن تالاپ ەتتى

بەلسەندىلەر الماتى قالاسىنىڭ باس پوليتسەيى سەرىك كۇدەباەۆتىڭ وتستاۆكاقا كەتۋىن تالاپ ەتتى.

تامىز ايىنىڭ 27-ءى كۇنى بەلسەندىلەر الماتى قالاسىنداعى حالىقارالىق ادام قۇقىقتارى بيۋروسى عيماراتىنىڭ الدىندا قارسىلىق اكتسياسىن وتكىزدە. بەلسەندىلەر قالالىق پوليتسيا دەپارتامەنتىنىڭ باسىشىسى سەرىك كۇدەباەۆتىڭ وتستاۆكاعا كەتۋىن تالاپ ەتىپ، ەكس-پرەزيدەنت نۇرسۇلتان نازارباەۆتىڭ «الەمدە پوليتسيا – ادامنىڭ دوسى، ال بىزدە كىم؟» دەگەن ءسوزىن مىسالعا كەلتىرگەن پلاكاتتار الىپ شىقتى.

بەلسەندىلەردىڭ سوزىنشە، ولار 2018 جىلدىڭ قاراشا ايىندا سول كەزدەگى پرەزيدەنت نۇرسۇلتان نازارباەۆ پەن ىشكى ىستەر مينيسترلىگىنە الماتى قالالىق پوليتسيا دەپارتامەنتىنىڭ باسشىسى، گەنەرال سەرىك كۇدەباەۆ پەن ونىڭ ورىنباسارى عازيز نۇرقاەۆتى قىزمەتىنەن الىپ تاستاۋدى تالاپ ەتىپ، اشىق حات جولداعان. بىراق جاۋاپ رەتىندە جاي «وتپيسكا» العان. تامىز ايىنىڭ 13-ءى كۇنى بەلسەندىلەر پرەزيدەنت قاسىم-جومارت توقاەۆتىڭ اتىنا ءدال وسىنداي ارىز جولداعان.

مانەرلەپ سىرعاناۋشى دەنيس تەننىڭ ولىمىنەن كەيىن قازاقستاندا ءىىم رەفورمالاۋ جونىندە قىزۋ تالقىلاۋلار جۇرۋدە. بيلىك وكىلدەرى بۇعان دەيىن قۇقىق قورعاۋ ورگاندارىنىڭ ءيميدجىن كوتەرۋ ماقساتىندا پوليتسيا قىزمەتكەرلەرىنىڭ 10 پايىزى قىزمەتىنەن بوساتىلىپ، قالعاندارىنىڭ جالاقىسى كوتەرىلەتىنىن مالىمدەگەن.

"The Qazaq Times"