قازاقستان ءىىم 23 تامىزدا ارىس قالاسىنىڭ ارسەنالىنداعى جارىلىس فاكتىسى بويىنشا اسكەري ءبولىمنىڭ كومانديرى مەن ونىڭ ورىنباسارى قاماۋعا الىنعانىن حابارلادى. اتالعان دەرەك بويىنشا قازىر قىلمىستىق ءىس قوزعالىپ، سوتقا دەيىنگى تەرگەۋ امالدارى جۇرگىزىلۋدە.
وسىدان ەكى اي بۇرىن قالانىڭ ىرگەسىندەگى قارۋ-جاراق قويماسىندا ورىن العان الاپات جارىلىستان كەيىن ەلۋ مىڭعا تارتا تۇرعىنى بار ارىس قالاسىنىڭ كوپ بولىگى ءبۇلىنىپ، ازاماتتار ۇيلەرىن تاستاپ قاشۋعا ءماجبۇر بولعان. جارىلىستان 2 اسكەري، 1 بەيبىت تۇرعىن، بەيرەسمي ەۆاكۋاتسيا كەزىندە كولىك قاققان 1 بالا كوز جۇمعان. جۇزدەن استام تۇرعىن اۋرۋحاناعا جەتكىزىلگەن.
ءبولىم كومانديرىنىڭ ورىنباسارى وق-ءدارى قويماسىن دا باسقارعانى انىقتالدى. 23 تامىز ارىس اۋداندىق سوتى اسكەريلەردى ەكى ايعا قاماۋعا العان.ۇستالعان ەكى اسكەري قىلمىستىق كودەكستىڭ 462-بابى 3-بولىگىندە قاراستىرىلعان «قارۋ-جاراقپەن، سونداي-اق اينالاداعىلارعا قاۋiپ توندىرەتىن زاتتارمەن جانە نارسەلەرمەن جۇمىس ىستەۋ قاعيدالارىن بۇزۋ» جانە 453-بابى 2-بولىگى «قىزمەتكە سالعىرت قاراۋ» باپتارىمەن كۇدىككە ىلىنگەن.
ۇكىمەت 1 تامىزعا دەيىن جوندەۋ جۇمىستارى اياقتالادى دەگەنىمەن قالادا ءالى كۇنگە دەيىن قۇرىلىس جالعاسىپ جاتىر.
ارىس قالاسىنىڭ ىرگەسىندە ورنالاسقان ارسەنالدىڭ جارىلىسقا دەيىنگى نىساندىق سۋرەتى. فوتو: ازاتتىق/Reuters
رەسپۋبليكاشىلدار يمميگراتسيالىق وپەراتسيانى سىنعا الدى، بىراق ترامپتى اشىق ايىپتاۋدان تارتىندى
ۇكىم وزگەرمەدى. مەملەكەتتىك ءتىلدىڭ قۇنى — ءتورت جىل تۇرمە مە؟
يرانداعى قانتوگىس پەن سىرتقى قىسىم: ترامپتىڭ ەكىۇشتى سيگنالى
كونستيتۋتسيا تاعى وزگەرمەك: رەفورما ما، الدە بيلىكتى قايتا قۇراستىرۋ ما؟
اقش «تاساداعى فلوتقا» توسقاۋىل قويدى: Olina تانكەرى جانە تەڭىزدەگى جاڭا سانكتسيالىق سوعىس
اتىراۋداعى جۇمباق جوعالۋ مەن ادام ءولىمى: ءىز-ءتۇزسىز ارتىلعان وتباسى، پوليتسيا تەرگەۋى جانە قوعام رەاكتسياسى