ساياساتكەر: پرەزيدەنت دەگەن ەلباسى ەمەس، ەل – مەملەكەت باسشىسى

قىرعىزستان سوتسيال-دەموكراتيالىق پارتياسىنىڭ رەسمي وكىلى تەمىرلان سۇلتانبەكوۆ ەكس-پرەزيدەنت اتامباەۆتى جاقتاپ مالىمدەمە جاسادى.

ءسوز سويلەۋ بارىسىندا جاس ساياساتكەر قىرعىزستاندا ءوزىن «ەلباشى» دەپ اتاپ جۇرگەندەرگە قارسى ءۋاج ايتتى، دەپ حابارلايدى Bugin.kz.

– پرەزيدەنت دەگەن ەلباشى ەمەس! پرەزيدەنت دەگەن ولكە باسشىسى، مەملەكەت باسشىسى بولۋى مۇمكىن، بىراق ەلدىڭ باسشىسى بولا المايدى! ەلدىڭ باسشىسى تەك ەل عانا! – دەپ ءتۇسىندىردى تەمىرلان سۇلتانبەكوۆ.

مالىمدەمە بارىسىندا سوتسيال-دەموكراتيالىق پارتيانىڭ ۋاكىلى ەكس-پرەزيدەنت المازبەك اتامباەۆتىڭ مەملەكەت ءۇشىن جاساعان جاقسىلىقتارى جايلى دا ايتا وتىرىپ، ىشكى ىستەر مينيسترلىگى قۇرامىنداعى ىشكى اسكەردى قورعانىس مينيسترلىگىنە قوسىپ، شەكارا كۇزەتىنە قويعانىن، ىشكى اسكەردى حالقىنا قارسى قويماعانىن ەرەكشە اتاپ ءوتتى.

– ال سوورانباي جەەنبەكوۆ بيلىككە كەلگەن كەزدە، ىشكى اسكەر قورعانىس مينيسترلىگىنەن شىعارىلىپ، ءىىم-نە اكەلىپ قايتا قوسىلدى، – دەپ مالىمدەدى جاس ساياساتكەر.

قىرعىز ساياساتكەرىنىڭ تولىق مالىمدەمەسى:

"The Qazaq Times"