Twitter жеке жарнамалар үшін пайдаланушының жеке деректерін рұқсатсыз пайдаланған.

Бұл туралы Twitter Inc өткен сейсенбіде хабарлады. Компания бұл мәселені жақында анықтағанын және дүйсенбі күні аталған мәселенің шешелігендігін жазады. Алайда, нақты қандай қолданушыларға әсер еткендігі туралы ақпарат жоқ.

Жалпы, тұтынушының деректері компаниялар үшін қуатты құрал. Себебі, олар жарнаманы қолданушының жеке деректеріне сәйкес беруге тырысады. Сол секілді Twitter пайдаланған жеке деректер қатарына қолданушы елінің  коды, пайдаланушылардың белгілі бір жарнамаға көзқарасы және олардың қолданатын құрылғылар туралы жасаған тұжырымдары кірген.

Twitter  ресми сайтында қолданушылардан кешірім сұрап, болашақта мұндай қателіктердің қайталанбайтынын жазып, уәде берді.

Айта кетейік, өткен жылдың басында Facebook-тің 87 миллион қолданушысының жеке деректерін Кембридж Аналитика заңсыз пайдаланғаны анықталған еді. Кейін ол мәліметтер Дональд Трамптың 2016 жылғы сайлауалды науқанында пайдаланылғандығы белгілі болды. Ал, сол жылдың көктемінде Facebook-тің негізін қалаушы Марк Цукерберг АҚШ Конгресінде және Еуропарламентте қатесін мойындап, деректердің қолды болғаны үшін кешірім сұрады.

"The Qazaq Times"