شاۆكات ميرزيەەۆ پرەمەر-مينيستر ابدۋللا اريپوۆكە جانە پرەزيدەنت اكىمشىلىگىنىڭ باسشىسى زاينيلوبيددين نيزوميددينوۆكە فەرعانا، حورەزم جانە قاشقاداريا وبلىستارىنىڭ اكىمدەرىن قىزمەتتەن الۋ ماسەلەسىن قاراۋدى تاپسىردى.

2 تامىزدا وتكەن جينالىستا پرەزيدەنت شاۆكات ميرزيەەۆ ايماق باسشىلارىنىڭ جۇرگىزىپ وتىرعان ساياساتىن سىنادى.

"مەن اريپوۆ پەن نيزوميددينوۆكە اكىمدەردى قىزمەتتەن الۋعا قاتىستى ۇسىنىس جاساۋىن سۇرايمىن. بۇنداي ساياساتپەن ۇزاققا بارمايمىز. كۇشتەۋ ساياساتىنىڭ پايداسى بولسا، وتىز جىلدا وركەندەپ كەتەر ەدىك", – دەدى شاۆكات ميرزيەەۆ.

بۇنىڭ الدىندا وزبەكستاننىڭ بىرقاتار ايماقتارىندا تۇرعىندار ۇيلەردىڭ زاڭسىز سۇرىلۋىنە قارسى نارازىلىق اكتسياسىن وتكىزگەن.

"The Qazaq Times"