فوتو: almaty.tv

2 تامىزدا فەرعانا مۇناي وڭدەۋ زاۋىتىندا جۋمىس ىستەيتىن سانوبارحون حايداوۆا كاسىپورىن اۋماعاندا ءوز-ءوزىن ورتەدى.

47 جاستاعى قىزمەتكەر ءوزىنىڭ جۇمىستان نەگىزسىز شىعارىلعانى ءۇشىن ۇستىنە بەنزين قۇيىپ ءوز-ءوزىن ورتەگەن. ال، مۇناي وڭدەۋ زاۋىتىنىڭ باسپا ءسوز قىزمەتى «ايەلدى جۇمىستان شىعارماعان، ونى مەكەمەگە كىرۋ كۋالىگى بولماۋىنا بايلانىستى ىشكە كىرگىزبەگەن. ونىڭ ۇستىنە، ايەلدىڭ وتباسىندا ءبىر قيىنشىلىقتارى بولعان» دەلىنگەن مالىمدەمە جاساعان.

وسىعان وراي سانوبارحون حايداروۆانىڭ تۋىستارى فەرعانا زاۋىتى تاراتقان مالىمەتتى جالعان ەكەندىگىن ايىتقان تۋىستارى: «قازىر ءبىز سانوبارحونمەن بىرگەمىز. ونىڭ دەنەسىنىڭ 70 پايىزى كۇيىپ قالعان. كوزى كورمەيدى، بىراق ەسىن بىلەدى. ونى ءوز-ءوزىن ورتەيتىندەي جاعدايعا جەتكىزگەن. ول ءبارىن ايتىپ بەردى. باسقا جۇمىسقا اۋىستىرامىز دەپ جۇمىستان كەتۋ تۋرالى ارىز جازعىزعان. ول كەلىسكەن. بىراق زاۋىتقا كەلگەندە ونى كىرگىزبەي قويعان. ءسويتىپ ول جۇمىسسىز قالعان. ول فەرۋزا ەسىمدى ديرەكتور ورىنباسارىمەن سويلەسكەن. ول جۇمىستان قىسقارتىلعانىن ايتقان. اپكەمىز ۇيىنە جىلاپ قايتقان. ەرتەسىنە جۇمىسقا قايتا بارعان، بىراق ونى كۇشپەن شىعارىپ جىبەرگەن. زاۋىت باسشىلىعى اپكەمىزدى الدادى»، سونداي-اق، «بۇل زاۋىتتا سەگىز جىل جۇمىس ىستەگەن. جاقسى جۇمىسى ءۇشىن گراموتا، تەلەۆيزور العان. ەندى ءوز-ءوزىن ورتەۋگە دەيىن جەتكىزگەن زاۋىت باسشىلىعى ونىڭ استى-ۇستىنە ءتۇسىپ، جاعدايىن جاساپ ءجۇر. ەندى بۇدان نە پايدا؟» - دەيدى.

سوڭعى جىلدارى نارازىلىق اكتسيالارى ءوتىپ تۇراتىن فەرعانا مۇناي وڭدەۋ زاۋىتىنىڭ جۇمىسشىلارى جۇمىسشىلىردى قىسقارتۋ مەن جالاقىنىڭ ازدىعىنا ءجيى شاعىمدانادى.

وزبەك باس پروكۋراتۋراسى وقيعاعا بايلانىستى تەرگەۋ، تەكسەرۋ ءجۇرىپ جاتقانىن حابارلادى.