فوتو: Sputniknews.kz.

ءىىم ەرلان تۇرعىمباەۆ جۋرناليستەرگە شابۋىل جاساعان ايەلدەرگە قاتىستى مالىمدەمە جاسادى.

ىشكى ىستەر ءمينيسترى ەرلان تۇرعىمباەۆ الماتى قالاسىنداعى ادام قۇقىقتارى جونىندەگى بيۋرو عيماراتىندا جۋرناليستەر مەن ۇيىم مۇشەلەرىنە شابۋىل جاساعان ايەلدەردىڭ ۇستالماعانىن ايتتى. ءمينيستردىڭ سوزىنشە، قازىرگى تاڭدا پوليتسيا اتالمىش ىسكە بايلانىستى جازىلعان ارىزداردى قاراۋدا.

شىلدە ايىنىڭ 22-ءى كۇنى الماتى قالاسىندا ادام قۇقىقتارى جونىندەگى بيۋرودا «قازاقستان اۋماعىندا تىيىم سالىنعان قدت ۇيىمىنا قاتىسى بار» دەپ ايىپتالعان كوپ بالالى انالار وكسانا شەۆچۋك، گۇلزيپا جاۋكەروۆا جانە جازيرا دەمەۋوۆا ىسىنە قاتىستى ءباسپاسوز ءماسليحاتى ءوتۋى ءتيىس بولعان. بىراق جيىن وتپەي جاتىپ، بيۋرو عيماراتىنا جيىرما شاقتى ايەل كەلىپ، جۋرناليستەر مەن ۇيىم قىزمەتكەرلەرىنىڭ جۇمىسىنا كەدەرگى كەلتىپى، شابۋىل جاساعان. زارداپ شەككەن جۋرناليستەر اراسىندا ازاتتىق راديوسى، قازتاگ جانە الماتى تەلەارناسىنىڭ تىلشىلەرى بار.

"The Qazaq Times"