فوتو: ازاتتىق راديوسى

6 قاڭتاردا الاڭعا جينالعان 300 دەي بەيبىت تۇرعىننىڭ قالاي قىرعىنعا ۇشىراعانىن كوزىمەن كورگەن اينۇر سەرىكقىزى ازاتتىق راديسىنا وقيعانىڭ قالاي بولعانىن ايتىپ بەرگەن.

الاڭدا بەيبىت شەرۋدەگىلەرگە شاي-تاماق تاسىعان اينۇر الاڭدا جاس بالالار مەن قارتتاردىڭ دا بولعانىن، بارلىعىنىڭ بەيبىت تۇردە ءوز تالاپتارىن ايتقانىن، ەشقانداي زاڭ بۇزۋشىلىق بولماعانىن، تاڭەرتەڭىندە قاپشاعايداعى اۋە دەسانتى كۇشتەرى ساربازدارىنىڭ بەيبىت جيىندى كورىپ  "اتپايمىز" دەپ قايتىپ كەتكەنىمەن كەشكە قاراي ەسكەرتۋسىز قىرىپ تاستاعانىن ايتتى.

فب-داعى پاراقشاسىنا "قورىقپا، ءجۇزىڭدى جاسىرما. اقيقاتتى ايت. الىپ كەتسە، قاسقايىپ تۇرىپ ولەمىز. قازاقستاننىڭ ازاتتىعى ءۇشىن. حالىقتىڭ بوستاندىعى ءۇشىن!"  دەپ جازعان قاندى قىرعىننىڭ كۋاگەرى اينۇر "7-ءسى كۇنى كوشەدە شاشىلىپ جاتقان ادام دەنەلەرىن كورگەننەن كەيىن شوشىنىپ قالعام، ءالى ءوز-وزىمە كەلە الماي ءجۇرمىن. الاڭعا بەيبىت بارعان ەلدى قازىر پوليتسيا ۇستاپ قيناپ مويىندارىنا قىلمىس ءىلىپ جاتىر. قانشاما ادام مۇگەدەك بولىپ قالدى. دەپۋتاتتار جۋرناليستتەردەن تىعىلىپ ء“بىز بىلمەيمىز ، ەشقانداي زاڭ بۇزۋشىلىقتى كورگەنىم جوق” دەپ كامەرادان قاشىپ ءجۇر. سوندا حالىقتىڭ جوعىن كىم جوقتايدى؟ بوستان-بوس ءولىپ قالعان جاستاردىڭ دەنەسىن نەگە بەرمەيدى؟ پوليتسيا مەن اسكەر 150 000 نان پرەميا الىپ جاتىر ، نە ءۇشىن؟؟؟ قاراپايىم حالىقتى ۇرىپ-سوققانعا تولەنگەن اقى ما؟" دەگەن سۇراق قويدى.