تۇركىمەنستان پرەزيدەنتى قۇربانعۇلى بەردىمۇحامەدوۆتى قايتىس بولدى دەپ جالعان حابار تاراتقانداردى جاپپاي ۇستاۋ باستالىپ، ەل پوليتسياسى كۇشەيتىلگەن تارتىپكە كوشتى.
«تۇركىمەنستان حرونيكاسى» سايتىنىڭ حابارلاۋىنشا، قازىرگى ۋاقىتتا ءۇش ادام ۇستالعان. ەندى «تۇركىمەنباشى ءتىرى ەمەس، قايتىس بولدى» دەگەن جالعان اقپارات تاراتۋ – «ەلدەگى جاعدايدى تۇراقسىزداندىرۋ» دەپ باعالانادى.
21 شىلدەدە 62 جاستاعى تۇركىمەن باسشىسى قۇربانعۇلى بەردىمۇحامەدوۆتىڭ ومىردەن وزعاندىعى جونىندەگى اقپارات جۇرت نازارىن وزىنە اۋدارتتى. تۇركىمەنستان ساياساتتانۋشىسى اسلان رۋباەۆ «گوۆوريت موسكۆا» راديوسىنا بەرگەن سۇحباتىندا تۇركىمەنستان پرەزيدەنتىنىڭ كوز جۇمعاندىعى جونىندە ايتقان. وسىدان كەيىن الەۋمەتتىك جەلىلەر مەن باق بەتتەرىندە قۇربانعۇلى بەردىمۇحامەدوۆتىڭ جۇمباق جاعدايدا قايتىس بولعاندىعى جونىندە اقپاراتتار تاراي باستاعان. كەيىننەن تۇركىمەنستان ديپلوماتتارى بۇل اقپاراتتاردىڭ شىندىققا جاناسپايتىندىعىن ايتىپ، مالەمدەمە جاسادى.
24 شىلدەدە 9 كۇندىك دەمالىستا بولعان تۇركىمەنستان پرەزيدەنتى قۇربانعۇلى بەردىمۇحامەدوۆتى مەملەكەتتىك تەلەارنالار كورسەتتى. بۇل – قايتىس بولدى دەگەن سىبىستان كەيىن ياعني 20 شىلدەدەن كەيىن بەردىمۇحامەدوۆتىڭ بۇقارالىق اقپارات قۇرالدارىندا العاش توبە كورسەتۋى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟
