تاريحي كەزدەسۋ: سوورونباي جەەنبەكوۆ پەن ەمومالي راحمون قىرعىز-تاجىك شەكاراسىندا كەزدەستى.

بۇگىن قىرعىزستان جانە تاجىكستان پرەزيدەنتتەرى كەزدەستى. ولار شەكارالىق اۋدانداعى اقساقالدار كەڭەسى مۇشەلەرىمەن جۇزدەسىپ، يسفارا قالاسىندا جەكە كەزدەسەۋ وتكىزەدى دەپ جوسپارلانۋدا. كەزدەسۋلەردەن كەيىن ەكى ەل باسشىلارى ىستىقكول جاعالاۋىنداعى شولپان-اتا قالاسىنا اتتانادى دەپ كۇتىلۋدە. يسفارا قالاسىندا كەزدەسۋگە بايلانىستى قاۋىپسىزدىك شارالارى كۇشەيتىلگەن. شاھارعا تاجىكستان ارنايى قىزمەت ساربازدارىنىڭ قوسىمشا جاساقتارى كىرگىزىلگەن.

تاجىكستان پرەزيدەنت اكىمشىلىگىنىڭ مالىمەتىنشە، ەمومالي راحمونمەن بىرگە سوورونباي جەەنبەكوۆپەن كەزدەسۋگە قورعانىس ءمينيسترى شەرالي ميرزو، ۇقك باسشىسى سايمۋمين ياتيموۆ، ءىىم رامازون راحيمزودا جانە شەكارا اسكەرىنىڭ باسشىسى رادجابالي راحمونالي كەلگەن.

ەستەرىڭىزگە سالايىق، 22 شىلدە كۇنى قىرعىزستاننىڭ باتكەن وبلىسىنداعى اق-ساي اۋىلى مەن تاجىكستاننىڭ ۆورۋح انكلاۆىنىڭ شەكاراسىندا قاقتىعىس بولىپ، سالدارىنان 16 قىرعىز جانە 10 تاجىك ازاماتى زارداپ شەككەن. شىلدە ايىنىڭ 23-ءى كۇنى تاعى دا اتىس بولىپ، ءبىر شەكاراشى جارالانعان.

قىرعىز-تاجىك شەكاراسىنىڭ ۇزىندىعى 970 شاقىرىم. وسى ۋاقىتقا دەيىن ونىڭ تەك 519 شاقىرىمى بويىنشا عانا كەلىسىم جاسالعان. قالعان بولىگى ءالى كۇنگە دەيىن بولىسىلمەگەن. وسىعان بايلانىستى جەرگىلىكتى تۇرعاندار اراسىندا سۋ، جايىلىم جانە جەر پايدالانۋعا بايلانىستى داۋ ءجيى بولىپ تۇرادى.

"The Qazaq Times"