تۇركىمەنستان پرەزيدەنتىن ءولدى دەپ حابار تاراتقان ساياساتتانۋشى كەشىرىم سۇرادى.

ەۋرازيا ماسەلەلەرىن زەرتتەۋ ورتالىعىنىڭ ديرەكتورى اسلان رۋباەۆ پرەزيدەنت قۇربانقۇلى بەردىمۇحامەدوۆ پەن تۇركىمەنستان حالقىنان كەشىرىم سۇرادى. ول ءوزىنىڭ Facebook پاراقشاسىنا: «پرەزيدەنتتىڭ وتباسى مەن تۋىستارىنان جانە بارشا تۇركىمەنستان حالقىنان كەشىرىم سۇرايمىن» - دەپ جازدى.

ەستەرىڭىزگە سالايىق، اسلان رۋباەۆ «گوۆوريت موسكۆا» راديوسىنا بەرگەن سۇحباتىندا تۇركىمەنستان پرەزيدەنتىنىڭ كوز جۇمعاندىعى جونىندە ايتقان. وسىدان كەيىن الەۋمەتتىك جەلىلەر مەن باق بەتتەرىندە قۇربانقۇلى بەردىمۇحامەدوۆتىڭ جۇمباق جاعدايدا قايتىس بولعاندىعى جونىندە اقپاراتتار تاراي باستاعان. كەيىننەن تۇركىمەنستان ديپلوماتتارى بۇل اقپاراتتاردىڭ شىندىققا جاناسپايتىندىعىن ايتىپ، مالەمدەمە جاساعان.

"The Qazaq Times"