قىرعىزستان ميليتسياسى ەكس-پرەزيدەنت المازبەك اتامباەۆتى كۇشتەپ قاماۋعا الۋدى جوسپارلاپ وتىر. بۇل تۋرالى ءوزىنىڭ Facebook پاراقشاسىندا ا.اتامباەۆتىڭ قوعامدىق باستامالار جونىندەگى كەڭەسشىسى قۇندىز جولدىباەۆا جازدى.
جولدىباەۆانىڭ جازباسىندا: «سەنىمدى دەرەككوزدەردەن بەلگىلى بولعانداي، ەكس-پرەزيدەنت المازبەك اتامباەۆتى كۇشپەن تۇتقىنداۋعا بۇيرىق بەرىلدى. وپەراتسيانى ەرتەڭ كۇننىڭ ەكىنشى جارتىسىندا مىڭ جارىم قۇقىق قورعاۋ ورگاندارىنىڭ قىزمەتكەرلەرى جۇزەگە اسىرادى دەپ جوسپارلانىپ وتىر. بيلىك راديكالدى شارالاردىڭ سالدارى اۋىر بولۋى مۇمكىن ەكەنىن ۇمىتىپ كەتسە كەرەك», – دەلىنگەن. دەگەنمەن، قىرعىزستان ءىىم ءباسپاسوز قىزمەتى باستىعىنىڭ ورىنباسارى كارىم امانقۇلوۆا «رەسمي ۆەدومستۆودا اتامباەۆتى كۇشپەن قاماۋعا الۋ وپەراتسياسى تۋرالى ايتىلعان جوق» دەپ مالىمدەدى.
Sputnik قىرعىزستان پورتالىنىڭ حابارلاۋىنشا، 18 شىلدەدە پوليتسيا قىزمەتكەرلەرى اتامباەۆقا ىشكى ىستەر مينيسترلىگىنە تەرگەۋگە شاقىرۋ قاعازىن ءۇشىنشى رەت جىبەرگەن. ەندى ول 19 شىلدە ساعات 10:00-دە قۇزىرلى ورگانعا كەلۋى كەرەك. ءبىرىنشى رەت كۋاگەر رەتىندە تەرگەۋگە شاقىرتۋ قاعازى بەرىلگەن كەزدە، بۇرىنعى پرەزيدەنت جۋرناليستەرگە تەرگەۋگە بارمايتىنىن ايتتى. ونىڭ پىكىرىنشە، «بيلىك زاڭ شەڭبەرىنەن شىعىپ كەتكەن». ال ەكىنشى رەت تەرگەۋگە شاقىرۋ قاعازى 10 شىلدە جىبەرىلگەن. بىراق ول ءىىم-گە بارماعان.
12 ماۋسىمدا جوعارى كەڭەس دەپۋتاتى قاناتبەك يساەۆ «المازبەك اتامباەۆتى تيىسپەۋشىلىك مارتەبەسىنەن ايىرۋ» جونىندە باستاما كوتەرگەن. ال 13-ءشى ماۋسىمدا وسى ماسەلەگە بايلانىستى ارنايى كوميسسيا قۇرىلدى
27 ماۋسىمدا اشىق تۇردە وتكەن داۋىس بەرۋ ناتيجەسى بويىنشا 109 دەپۋتاتتىڭ ۇشەۋى عانا بۇل شەشىمگە قارسى شىققان. جوعارى كەڭەستىڭ المازبەك اتامباەۆتى تيىسپەۋشىلىك مارتەبەسىنەن ايىرۋعا بايلانىستى قۇرىلعان ارنايى كوميسسياسى ەكس-پرەزيدەنتكە 9 پۋنكت بويىنشا ايىپ تاقتى. ايىپ ءتىزىمىن «رەسپۋبليكا – اتا-جۇرت» پارتياسىنىڭ دەپۋتاتى تالانت مامىتوۆ وقىدى. ءتىزىم ىشىندە «زاڭسىز جەر يەلەندى»، «رەسەي ازاماتتارىنا، ونىڭ ىشىندە ۇيىمداسقان قىلمىستىق توپ مۇشەلەرىنە قارۋ-جاراق تاراتتى»، «قىلمىس الەمىنىڭ سەركەسى ازيز باتۋكاەۆتى بوستاندىققا شىعارۋعا كومەكتەستى»، – دەگەن ايىپتار بار. جوعارى كەڭەستىڭ قىلمىس پەن سىبايلاس جەمقورلىققا قارسى كۇرەس كوميتەتى اتامباەۆقا باس پروكۋراتۋرا تاعىپ وتىرعان التى ايىپتىڭ بەسەۋىنە قاتىسى بار دەگەن شەشىمىن قولدادى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟