الەمدە قىلمىستىق ارەكەتتەر سوعىستان دا كوپ ادامنىڭ جانىن جالماۋدا

بىرىككەن ۇلتتار ۇيىمى تاراتقان مالىمەتكە قاراعاندا، الەمدە قىلمىستىق ارەكەتتەردەن قازا بولاتىنداردىڭ سانى سوعىستا قازا بولاتىنداردان كوپ. 2017 جىلدىڭ وزىندە قاستاندىق ارەكەتتەرىنەن كوز جۇمعان ادام سانى جارتى ميلليونعا جۋىقتاعان.

بۇۇ-نىڭ ەسىرتكى جانە قىلمىسقا قارسى اگەنتتىگى جاريالاعان مالىمەتكە قاراعاندا، 2017 جىلى سوعىستاردان 89 مىڭ ادام كوز جۇمسا، لاڭكەستىك شابۋىلداردان قازا بولعانداردىڭ سانى 26 مىڭ ادام بولعان. ال، كىسى ءولتىرۋ قىلمىستارىنان 464 مىڭ ادام كوز جۇمعان.

مالىمەتتەرگە قاراعاندا، الەمدە قىلمىستىق ارەكەتتەر ورتالىق امەريكادا (سونىڭ ىشىندە مەكسيكادا كوبىرەك) ەڭ كوپ تىركەلگەن. بۇل ايماقتا قازا بولعان ءار ءجۇز ادامنىڭ 62-ءسى كىسى قولىنان ولگەندەر. كىسى ءولتىرۋ قىلمىستارىنىڭ 19 پايىزى ۇيىمداسقان قىلمىستىق توپتارعا تيەسىلى.

قاساقانا كىسى ءولتىرۋ ارەكەتتەرى سالىستىرمالى تۇردە ەۋروپا، ورتالىق ازيا،  وڭتۇستىك جانە وڭتۇستىك-شىعىس ازيا ەلدەرىندە ازىراق.

“The Qazaq Times”