فوتو: http://today.kz

بيىلعى وقۋ جىلىنا جالپى سانى 53 مىڭ 700 گرانت بولىنگەن.

سونىمەن قاتار، پرەزيدەنت قاسىم-جومارت توقاەۆتىڭ تاپسىرماسى بويىنشا كوپ بالالى وتباسىدان شىققان تۇلەكتەرگە 5 مىڭ گرانت بەرىلەدى. ياعني ول مەجەلى بالدى جيناپ، بىراق وقۋعا تۇسە الماعان كوپ بالالى وتباسىلاردان شىققان تۇلەكتەرگە ۇلەستىرىلەدى. وعان وتىنىشتەر 5-10 تامىز ارالىعىندا قابىلدانىپ، قورىتىندى 25 تامىزدا جاريالانادى.

وسىعان دەيىن ءبىلىم ساپاسىن كوتەرۋ ماقساتىندا ەلىمىزدە وقۋ ورىندارىنىڭ سانىن قىسقارتۋ ءىسى باستالعان. دەگەنمەن، مەملەكەت باسشىسى ءبىلىم بەرۋ سالاسىنا بولىنەتىن قارجى كولەمىن جالپى ىشكى ءونىمنىڭ 5 پروتسەنتىنە جەتكىزىپ، قوسىمشا 180 كوللەدج بەن 20 ۋنيۆەرسيتەت اشۋ قاجەتتىگىن ايتتى. ءتىپتى جوسپاردىڭ ءبىرىنشى كەزەڭىن جۇزەگە اسىرۋ ءۇشىن رەسپۋبليكالىق بيۋدجەتتەن 58 ميلليارد تەڭگە بولىنەتىنىن حابارلادى.

"The Qazaq Times"