وزبەكستان ۇكىمەتى ولي ءماجليستىڭ (پارلامەنتتىڭ تومەنگى پالاتاسى) جاڭا قۇرامىنىڭ الدىندا ءوز وكىلەتتىگىن توقتاتتى. بۇل تۋرالى تومەنگى پالاتانىڭ ءباسپاسوز قىزمەتى حابارلادى.
مينيسترلەر كابينەتى وكىلدەرىنىڭ وكىلەتتىگى ەل كونستيتۋتسياسىنىڭ 98-بابىنا سايكەس توقتاتىلعان. بۇل قۇرام جاڭا قۇرام تاعايىندالعانعا دەيىن جۇمىسىن جالعاستىراتىن بولادى. ەندى جاڭا پرەمەر-ءمينيستردىڭ كانديداتۋراسى 21 قاڭتاردا وتەتىن پارلامەنتتىڭ قوس پالاتاسىنىڭ بىرىككەن وتىرىسىندا قارالادى.
24 جەلتوقساندا وزبەكستاندا پارلامەنت سايلاۋى قورىتىندىسى بويىنشا پرەزيدەنت شاۆكات ميرزيەەۆتىڭ ليبەرال-دەموكراتيالىق پارتياسى جەڭىسكە جەتكەن بولاتىن. كاسىپكەرلەر مەن ىسكەر ادامداردىڭ ساياسي قوزعالىسى ولي ءماجىلىستىڭ زاڭنامالىق پالاتاسىنان ەڭ كوپ ورىن العان. ولارعا 43 ماندات ۇلەستىرىلمەك. ەلدىڭ ورتالىق سايلاۋ كوميسسياسى سايلاۋشىلاردىڭ داۋىس بەرۋ كورسەتكىشتەرى بويىنشا الدىن الا مالىمەتتەر جاريالادى. وعان سايكەس وزبەكستاندىقتاردىڭ 70%-ى ءوز تاڭداۋىن جاساعان. ياعني شامامەن 19 ملن-عا جۋىق ادام داۋىس بەرۋگە قاتىسقان.
پارلامەنتتىك سايلاۋعا قاتىسقان باسقا ءتورت پارتيا دا تومەنگى پالاتاعا وتكەن. ورتالىق سايلاۋ كوميتەتىنىڭ رەسمي مالىمەتىنشە، وزبەكستان ليبەرال-دەموكراتيالىق پارتياسى (پرەزيدەنت شاۆكات ميرزياەۆ وسى پارتيانىڭ مۇشەسى) – 43;
«ميللي تيكلانيش» («ۇلتتىق جاڭعىرۋ») دەموكراتيالىق پارتياسى – 35; «ادولات» سوتسيال-دەموكراتيالىق پارتياسى – 21;
وزبەكستان حالىقتىق-دەموكراتيالىق پارتياسى – 18;
«وزبەكستان ەكولوگيا قوزعالىسى» – 11 ورىنعا يە بولعان.
ۋكراينا سوعىس جاعدايىنداعى باسقارۋ مودەلىن قايتا قالىپتاستىرۋدا: بۋدانوۆ پرەزيدەنت كەڭسەسىنە كەلدى
يەمەن سوعىسىنىڭ جاڭا كەزەڭى: وڭتۇستىكتەگى قاقتىعىس جانە ايماقتىق دەرجاۆالاردىڭ ويىنى
قاعازداعى پاتسيەنتتىڭ ومىردەگى جاعدايى: ءۇنسىز ءارى الپاۋىت ەپيدەمياعا قارسى كۇرەستە قازاقستاندىق ابب-نىڭ قاۋقارى مەن كەمشىلىگى
الماتىدا جاڭا زاماناۋي كىتاپحانا اشىلدى
ŞAM تەاترىنىڭ كينوەكسپەريمەنتى: «№37» قويىلىمى فيلمگە اينالدى
ەرتاەۆ قايتا قامالعان كۇز: راقىمشىلىق «زاڭسىزدىق جارمەڭكەسىنە» اينالدى ما؟